ئەلبۆما نوو هێزەكا دی دایێ‌

ئەلبۆما نوو هێزەكا دی دایێ‌

44

ئەڤرۆ

شاهۆ فەرید:

سترانبێژ (ئحسان حەسەن) ئەلبۆمەكا نوو ب ناڤێ(شەڤین) بەلاڤكر و د دیدارەكێ دا بۆ رۆژناما ئەڤرۆ گۆت: ئەڤە ماوەكێ درێژ بوو مژوویلی بەرهەڤكرنا ڤێ ئەلبۆمێ بووم، ژ نەه تراكان پێك دهێت، چەندین ستران ژ پەیڤ و ئاوازیێن هەردو برایێن من (حسێن و محەمەد حسن سیاری) نە، كارێ دابەشكرنا مۆزیكێ ژلایێ ستودیۆیا دەنگ و رەنگ، ئارێنجەر(عیماد عەلی) كار سەركریە، ئەڤ ئەلبۆمە پالپشتیا تۆرا هەماهەنگی رێكخروان سی ئێن ئۆ – ئوفیسا دهۆك سەرپەرشت (لاوین سەوری) بۆ هاتیەكرن.
هەروەسا گۆت: ئەڤە ئەلبۆما من یا دویێ‌ یە، هەبوونا ئەلبۆمێ گەلەكا باشە بۆ سترانبێژی، بەلێ وەكو جاران خەلك پێشوازیێ لێ ناكەت بكڕینا سیدیەكی و هەكە هاریكاری هەبیت دێ كارێن باشتر ئەنجام دەم، ڤێ ئەلبۆمێ هێزەكا باش دایە من، هندی دشیانێن من دا بیت دێ خزمەتا هونەرێ كوردی كەم، هندەك ستران ژ ئەلبۆمێ هاتینە وێنەكرن و هەكە هاریكاربن د گەل من دێ یێن مایی ژی كلیپكەم، هەكە پەیڤ و ئاواز هەبن و سەر دەنگێ من بهێن بەرهەڤم كاری سەربكەم.

کۆمێنتا تە