ئەلجەزیرە: بھارا عەرەبی بھارا کوردان بوو
ئەڤرۆ نيوز:
ئاژانسا ئەلجەزیرە د بابەتەکێ خوە دا بھارا عەرەبی ب بھارا کوردان ناڤ دکەت و راگەھاندیە، خەونێن کوردان یێن ئاڤاکرنا دەولەتەکا سەربخوە بەری بھارا عەرەبی د سنۆردار و نەپەنی بوون و ب تنێ ھەرێما کوردستانێ ل عیراقێ ب خوە ڤە دگرت، لێ پشتی بھارا عەرەبی و لاوازبوونا ھندەک وەلاتێن عەرەبی وەکو عیراق و سووریێ، ئەو خەون نێزیکی راستیێ دبن و ھەر چار پارچێن کوردستانێ ب خوە ڤە دگرن.
ل گۆر بابەتێ جەزیرە، کەسێن مفا ژ بھارا عەرەبی و ئالۆزبوونا دەڤەرێ وەرگرتین کورد بوون، چونکو کورد شیان مفای ژ رەوشا وان یا ئالۆز وەرگرن و ھەستا خوە یا نەتەویی بھێز ڤەگەڕینن و شاشیا دیرۆکی یا پشتی شەرێ جیھانی یێ ئێکێ د راستا وان دا ھاتیە کرن راستڤە بکەن و ھەر چار پارچێن کوردستانێ نێزیکی ھەڤدو بکەن.
