ئەلمانیا دێ پێدڤیێن لەشکری بۆ چار ھزار پێشمەرگەی دابین کەت
ئەڤرۆ، ڤەگێر سەعدوللا:
رێڤەبەرێ گشتیێ پەیوەندیان و ھشیارکرنا رەوشەنبیری ل وەزارەتا پێشمەرگەی دیار کر کو ئەلمانیا بڕیار یا دای پێدڤیێن لەشکری بۆ چار ھزار پێشمەرگەی دابین کەت و بۆ رۆژناما ئەڤرۆ گۆت: (ئەلمانیا دێ چەک و پێدڤیێن پێشمەرگەی ھەر ژ پوستالێ ھەتا دەبابێ بۆ وان رەوانە کەت).
عەمید ھەلگورد حکمەت ئاشکرا ژی کر کو ئەلمانیا وەکو ھاریکاری دێ ڤان پێدڤیان بۆ پێشمەرگەی رەوانە کەت و رەنگە ل دەمەکێ نێزیک زێدەتر لێ بکەت.
ناڤھاتی ئەو یەک ژی دیار کر کو ھژمارەکا پێشمەرگەی بۆ ئەلمانیا ھاتبونە ھنارتن دا کو راھێنانا ل سەر ترۆمبێلێن لێنانا خوارنێ یێن بەرۆکێن شەری بکەن و نوکە ئەو پێشمەرگە ڤەگەڕیاینە کوردستانێ و ئەو ترۆمبێل ژی ژ لایێ ئەلمانیا ڤە بۆ پێشمەرگەی ھاتینە ھنارتن کو دشیاندایە ل بەرۆکێن شەڕی خوارن بۆ پێشمەرگەی د ناڤ دا بھێتە ئامادە کرن.
