ئەمریکا ب رێیا پەترۆلێ شیا رۆلێ روسیا لاواز کەت
ئەڤرۆ نیوز:
ئاژانسا رویتەرز یا نووچەیان دوھی راپۆرتەک سەبارەت ب ناکۆکیێن ئەمریکا و روسیا ل رۆژھەلاتا ناڤین و جیھانێ بەلاڤ کر و راگەھاند کو ئەمریکا و وەلاتێن رۆژئاڤا ب رێیا ئەرزانکرنا بھایێ پەترۆلێ شیان دربەک مەزن د بیاڤێ ئابووری ل روسیا بدەن و نھا روسیا د بیاڤێ ئابووری دا گەلەک لاواز بوویە و نەشێت وەک جاران پشتەڤانیا سووریێ و وەلاتێن دی یێن ھەڤپەیمانێ خوە ل دەڤەرێ بکەت و ئەو یەک بۆ ئەمریکا پێنگاڤەک مەزنە و ئەمریکا دخوازیت روسیا نەچار بکەت دەستان ژ بەشاری بەردەت دا کو قەیرانا سووریێ چارە ببیت.
د بەردەوامیا راپۆرتێ دا ئەو یەک ژی ھاتیە دیار کرن کو ئەمریکا بزاڤەکا مەزن دکەت کو روسیا دەستێوەردانێ د کاروبارێ سووریێ نەکەت و ژ بەر ھندێ ژی شیا ب رێیا ئەرزانکرنا بھایێ پەترۆلێ دربەک مەزن ل ئابووریێ روسیا بدەت و نھا روسیا د رەوشەکا خراب یا ئابووری دایە کو نەشێت مووچێ فەرمانبەرێن خوە ژی ب تەمامی دابین بکەت و ژ بەر ھندێ ھەکە روسیا ل سەر ھەلویستێ خوە ل ھەمبەر ئەمریکا بەردەوام بیت و رەوشا وێ یا ئابووری ژی وەسا خراب بیت رەنگە خوەنیشادانێن ناڤخوەیی ل روسیا دروست ببن کو ئەو یەک دھێتە واتەیا شکەستنا پۆتین و سەرکەفتنا ئۆباما، لێ جارێ زوویە بەحسێ وێ یەکێ بھێتە کرن.
