ئەمریکا ژماره‌كا دى يا له‌شكرێ خوه رەوانەی رۆژئاڤایێ کوردستانێ دکەت
ئەڤرۆ نيوز:
ل گۆر راپۆرتەکا ئاژانسا فرانس پرێس بەرپرسێن ئەمریکی د چارچۆڤێ شەرێ ل دژی داعشێ بریار داینە کو ٢٥٠ سەربازێن دی رەوانەی رۆژئاڤایێ کوردستانێ بکەن دا ل شەرێ ل دژی داعشێ ھاریکاریا ھێزێن کوردی بکەن و ژ بەر ھندێ ژی دھێتە چاڤەرێ کرن ئەو ھێزە د ماوەیێ چەند رۆژان دا بگەھیتە رۆژئاڤایێ کوردستانێ و پرانیا وان کەسان ژی دێ بسپۆرێن سەربازی بن دا کو ھاریکاریا ھێزێن کوردی بکەن.
د بەردەوامیا راپۆرتا ئاژاانسا فرانس پرێس دا ھاتیە دیار کرن کو ئەو ھێزا ئەمریکی دێ پیلانێن گرنگ و ستراتیژی بۆ لێدانا جھێن گرنگ یێن داعشێ دانێن و دێ ھاریکاریا ھێزێن کوردی کەن و رەنگە ئێک ژ ئارمانجا سەرەکی یا ھێزا ئەمریکی ژی کوشتنا سەرکردێن داعشێ ل سووریێ بیت و فرۆکە و ھێزێن ئاسمانی ژی دێ بۆ ئارمانجێن وێ ھێزێ د بەرھەڤ بن و ھەموو پێدڤیاتیێن ژیانی و سەربازی ژی دێ بۆ وان ھێتە دابین کرن.
ھەژی ئاماژەپێدانێ یە کو ھەفتیا بۆری سەرۆکێ ئەمریکا باراک ئۆباما د دیدارەکێ دا ل گەل ئاژانسا بی بی سی دیار کربوو کو ھنارتنا ھێزێن سەربازی بۆ سووریا د بەرنامێ کارێ مە دا نینە و چوونا ھەر ھێزەکێ د رەوشا نھا دا چو مفایێ خوە نابن.
