ئەمریکا ھاریکاریێن بۆ فەلەستینێ راگرتن
ئەڤرۆ نيوز:
وەزارەتا دەرڤە یا ئەمریکا د داخۆیانیەکێ دا راگەھاند کو سالانە مە کۆژمەکێ باش یێ پارەی د چارچۆڤێ کارێن خێرخوازی ب رێیا رێکخراوا مافێ مرۆڤی یا نەتەوێن یەکگرتی وەکو ھاریکاریا پێشکێشی فەلەستینێ دکر و ئێدی مە بریار دایە کو ڤێ ھاریکاریێ رابگرین و ئەمریکا ب تنێ نەشێت ڤی بارێ گران راکەت.
پەیڤدارا وەزارەتا دەرڤە یا ئەمریکا ژی ل دۆر ڤی بابەتی راگەھاند کو بەری نھا ژی سەرۆکێ ئەمریکا دیار کربوو کو ھندەک بابەت ھەنە ئەمریکا ب تنێ نەشێت بەرپرسیاریا وان بگریتە ستویێ خوە، دڤێت وەلاتێن دی یێن جیھانێ ژی د چارچۆڤێ کاروبارێ رێکخراوا مافێ مرۆڤی یا نەتەوێن یەکگرتی دا ھەڤکاریا مە بکەن و ئەمریکا نەچار نینە ب تنێ ھاریکاریا فەلەستینێ و وەلاتێن دی بکەت و ھاریکاریێن مە دێ ھێنە راگرتن.
