ئەنتربۆل پتر ژ پێنج ھزار توندرەوێن بیانی دەستنیشان دکەت
ئەڤرۆ نیوز، ئەیاد بەرواری:
سەرۆکێ رێکخراوا نێڤدەولەتی بۆ ھەڤکاریێ د ناڤبەرا دەزگەھێن پۆلیسان (ئەنتربۆل) راگەھاند، مە وەکو ئەنتربۆل ناسنامێن زێدەتر ژ پێنج ھزار و ٨٠٠ توندرەوێن بیانی دەستنیشان کرینە ژ سەرجەمێ ٢٥ ھزاران کو گەھشتینە گرۆپێن توندرەو ل سووریێ و عیراقێ و ھندەک وەلاتێن دی.
جورجن ستوک سەرۆکێ ئەنتربۆلێ ل کۆنگرەکێ تایبەت ل سەر بەھنگاریا تیرۆرێ ل باژێرێ ئەشبیلیا یێ ئیسپانی گوت” ئەو پێنج ھزار و ٨٠٠ توندرەو ژ ٥٠ وەلاتانە و داخواز ژ وەلاتان کر پتر د ھەڤکاربن ژبۆ دەستنیشانکرنا ناسناما ھەموو توندرەوێن بیانی”.
کونگرێ بەرھنگاریا تیرۆرێ ل ئیسپانیا بۆ دەمێ سێ رۆژان ھاتە گرێدان و تێدا بسپۆرێن ھێزێن ئەمنی ل جیھانێ پشکداری تێداکر و دانوستاندن ل سەر ئالوگۆرکرنا پێزانینان ل دۆر بەھنگاریا تیرۆرێ ھاتنە کرن.
