ئەندامەتیا خۆ یا سەندیکا هونەرمەندان ڕاگرت
ئەڤرۆ نیۆز، رێوار محەمەد رەشید:
هونەرمەندێ زارڤەکەر مەهدی سالح، ئەندامێ سەندیکا هونەرمەندێن کوردستانێ تایێ دهۆکێ د ئەکاونتێ خوە یێ تایبەت دا ل تۆرا جڤاکی یا فەیسبووکی ڕاگەهاند کو وی دوهی رۆژا 27/2/2021 ب شێوەیەکێ فەرمی ئەندامەتیا خوە یا سەندیکا هونەرمەندێن کوردستانێ ڕاگرت بێ کو ئەگەرێن ڕاگرتنێ دیار بکەت.
ناڤهاتی ئاماژە دایە وێ چەندێ ژی هەتا کو کۆنگرێ داهاتی یێ سەندیکا هونەرمەندێن کوردستانێ دهێتە گێڕان دێ ئەندامەتیا وی یا سەندیکا ناڤبری یا ڕاگرتی بیت و گۆت: “داخوازا سەرکەفتنێ بۆ سەروک و دەستەکا رێڤەبەر و هەموو ئەندامێن سەندیکا هونەرمەندێن کوردستانێ دخوازم”.
