ئەندامەکێ سەرکردایەتیا ئێکگرتوو: من باوەری ب چارەسەریا ئاریشان ل عیراقێ نینە
ئه‌ڤرۆ:
ئه‌ندامەکێ سەرکردایەتیا ئێگرتووی ئیسلامی راگەھاند، ئەو کەسێن کورد چوینە ناڤ رێکخراوا تیرۆرستیا داعشێ گەلەک دکێمن و ئەوان ژی ئەگەرێن خوە ھەنە ئەوژی ھەستێ وان یێ نشتیمان پەروەری یێ مری و شاش د ئاینی گەھشتینە و گۆت :ھزارەھا خەلک یێ گەھشتیە ڤێ رێکخراوێ ل ھەموو جیھانێ ب تایبەتی ل ئوروپا ودروستاھیا ئایینی ل بەروکێن پێشمەرگەیە نەک ل دەف داعش و ھەڤالێن وان .
ئەبوبەکر عەلی بۆ ئەڤرۆ گوت” ھەرچەندە مە خوە بۆ ڤی بارودۆخی بەرھەڤ نەکربو، لێ مە شیان ھەبوون بەرگریێ ل وەلاتێ خوە بکەین, ل دەستپێکێ رووداو ژ نیشکەکێ ڤەبون و مە پلانەک نەبوو، لێ بۆ قۆناغا د دووڤ داعشێ دا مە چ بھانە نینن کو مە پلان نەبن وپێدڤیە نەخشە رێیەک بھێتە دانا بۆ وەبەرھێنانا سیاسی, بۆ ھندێ چارەسەریا ئاریشا سنۆران بکەین و رێ خوەش بکەین بۆ سەرخەبوونێ .
ل دور ئێکگرتنا پارتێن کوردی ژی ئەبوبەکر عەلی خویاکر کو ب شێوەکێ گشتی پارتێن کوردی د ئێکگرتوو بوون دڤی شەری دا , ھەرچەند ئێکگرتنا پارتێن کوردی گرنگە ل ڤێ قۆناغێ، لێ ل قۆناغا پشتی شەری دەە جار گرنگترە، ژ بەر کو ھەکە د ئێکگرتی نەبین و ب نشتیمان پەروەرانە نە لڤین، خوینا پێشمەرگەی دێ ب ھەروە چیت و دەرفەتەکا گرنگ ژی دێ ژ دەست دەین کو سەدەھا سالە ئەو دەرفەت بۆمە نەھاتیە پێش .
گۆت ژی” پێدڤیە کونفراسەکێ نەتەوی بھێتە گرێدان و من ب خوە ئەڤە دەمەکە داخوازێ بۆ دکەم ژبۆ ھندێ دا ستراتیژیەتەکا نەتەوی بۆ ڤێ قۆناغێ مە ھەبیت و دڤێت پەیوەندیێن ھەرێما کوردستانێ ل گەل جیرانێن وێ دیارکەین و دەستھەلاتا راستەقینە ژی دێ ل ڤان ئورگانێن نیشتیمانی دابن و ب ھاڤێتنا ڤان پێنگاڤان مەرجەکێ پێش وەختە یێ سەرکەفتنەکا دروست”.
ئەندامێ سەرکردایەتیا ئێگرتووی خۆیاکر” یێ گەشبینم کو بەرھەمێ ڤی شەری ھەکە ب شێوەکێ ئێکسەر ژی نەبیت دێ سەرخەبوونا باشوورێ کوردستانێ بیت، ژبەرکو ڤی شەری ئاریشێن سنۆران یێن بۆمە چارەسەرکرین کو ئەڤە ژی مەرجێ بناغێ سەرخەبوونێ یە و دەمێ سەربەخوە دبین، دێ ژ ئاریشێن عیراقێ قورتال بین “.
ل دۆر ئاریشێن بەردەوامێن بەغدا و ھەرێمێ ژی گۆت” ڤان ئاریشان پەیوەندی ب عیراقێ ڤە یا ھەی و ب شێوەکێ نە ئێکسەر پەیوەندی یا ب بەغداڤە ھەی و کوردان حەزا ئابوورەکێ سەربەخوە یا ھەی و ل دووڤ ڕا سەربەخوەیا سیاسی وەربگریت و دڤێت ئەڤ ململانێیە نەمینیت بۆ ھندێ بارێ خەلکێ کوردستانێ زێدەتر گران نەبیت و پشتی بارودۆخ ئارام دبیت قەرەبویا ولاتیان و فەرمانبەران بھێتەکرن و ئەز ب خوە چاڤەرێی چارەسەریا ئاریشان ل گەل بەغدا ناکەم، ژ بەر کو نوکە عیراق یا د حالەتێ پارچەبوونێ دا وئەم ژی د ئێگرتوو بین دێ بینە خودان دەولەتا سەربەخوە و وەستیان و بەرگریکرنا مە ب ھەروە ناچیت و گەلەک یێ گەشبینم ب پاشەرۆژا گەل و ولاتێ خوە”.
