ئەوان یاریزانا بنیاسە یێن مافێ کرنا یاری ھەی بوو ھەلبژارتیێ کومارا کوردستانێ

سێ یاریزانێن خولا بوندس لیگا یا ئەلمانیا مافێ کرنا یاری ھەیە بۆ ھەلبژارتیێ کوردستانێ
پێنج یاریزانێن ھەلبژارتیێ عیراقێ مافێ ھەلبژارتیێ کوردستانێ ھەیە
کومارا کوردستانێ پاشەرۆژەکا گەش د ڤاڤارتنێن ئاسیا دا ھەیە
دو یاریزان ھەلبژارتیێ ھولەندا
ئەڤرۆ، ھەژار مەعروف:
پشتی دوھی رۆژەکا مێژوی د دیروکا کوردستانێ دا ھاتیە تومارکرن کو خەلکێ ھەرێما کوردستانێ دەنگێ خوە بۆ ریفراندومێ دای و بوو سەربەخویا کوردستانێ وەرزشڤان و حەژێکەرێن تەپا پێ ژی چاڤ ل ھەلبژارتیێ خوە یە کو چەندین سالە ئەو پشتەڤانیا ھەلبژارتیێ عیراقێ کەن لێ پشتی ریفراندوم ب دووماھی بھێت و دەولەتا کوردی بھێتە راگەھاندن ئەو دێ چاڤەرێ ھەلبژارتیێ کومارا کوردستانێ بەن د قارەمانی و ڤاڤارتنێن بھێت یێن ئاسیا دا.
نوکە ھژمارەکا مەزن یا یاریزانێن کورد ل یانێن بەرنیاس و خولێن بەرنیاس ل سەر ئاستێ ئورۆپا یاری کەن کو چەندین ژ ئەوان یاریزانا ھەلبژارتیێ عیراقێ رەتکریە یاری بوو بکەن و چاڤ ل وێ رۆژێ یە یاری بۆ ھەلبژارتیێ کوردستانێ بکەن و گەلەک ژ ئەوان یاریزانان بەرھەڤیا خوە دیارکریە ھەر دەمێ کوردستان سەربەخویا خوە وەربگریت ب شانازی ڤە دێ یاری بۆ وەلاتێ خوە کەن و ھەردیسان چەند یاریزانێن دی یێن کورد کو ب دروستی خەلکێ باکورێ کوردستانێ و رۆژئاڤا و رۆژھەلاتێ نە لێ ئەوان ژی بەرھەڤیا خوە دیارکریە یاری بۆ کومارا کوردستانێ بکەن ھەکە دەولەت بوون ھاتە راگەھاندن.

ئەو یاریزانێن ب فەرمی دشێن بۆ ھەلبژارتیێ پاشەرۆژێ یێ کومارا کوردستانێ بکەن ھەر ئێک یاریزان ژیلوان حەمەد ستێرا کورد و یانا ھاماربی یا سویدی ئەوا دخولا پلا نایاب دا یاری کەت کو یاریزانێ ناڤبری ل وەرزێ بوری دخولا بوندس لیگا یا ئەلمانی دا یاری کر کو دھێتە ھژمارتن ئێک ژ بەرنیاسترین یاریزانێن ھەرێما کوردستانێ دخولێن ئورۆپی دا و یاریزانێ ناڤبری ل ھێلا ناڤین و لایێ چەپ و راستێ یاری کەت .

رێبین ئەسعەد خەلکێ باژێرێ ھەولێرێ یە یاری ل ھەمان یانی دکەت ھاماربی کو ل ھێلا ناڤین یاری کەت کو یاریزانەکێ گەنج شیانێن مەزن و پاشەرۆژەکا گەش ڤی یاریزانی ھەیە.

ئەحمەد یاسین یاریزانێ ھەلبژارتیێ عیراق و یانا ھاکن یا سویدی خەلکێ باژێرێ خانەقین کو نوکە یاریزان ناڤبری ئێک ژ باشترین یاریزان ھەلبژارتیێ عیراقێ و یانا خوە یە دخولا سوید یا پلا نایاب دا کو یاریزان ناڤبری ل ھێلا ناڤین و ھێرشبەری یاری کەت

ستێرا ھێلا ناڤینا ھەلبژارتیێ عیراقێ و یانا ئزسترسوند یا سویدی بروا نوری ژی ئێک ژ ئەوان یاریزان یێ دشێت و ماڤ ھەیە بۆ ھەلبژارتیێ عیراقێ بکەت ژبەرکو خەلکێ ھەرێما کوردستانێ یە و یاریزان ناڤبری ھەتا نوکە ل گەل ھەلبژارتیێ عیراقێ یە لێ نزانیت ب زمانێ عەرەبی باخفت بتنێ ئینگلیزی و کوردی و سویدی ل گەل ئەوان د ئاخفت.

ھەردیسان یاریزان رێین سولاقا یاریزانێ یانا مرخیە و ھەلبژارتیێ عیراقێ ژی خەلکێ دەڤەرا عنکاوە یە و مافێ کرنا یاری بۆ ھەلبژارتیێ کومارا کوردستانێ ھەیە و وی دەمی بریار ل سەر ئەوی مینت کا بۆ کیژ ھەلبژارتی یاری بکەت ھەکە ھەلبژارتیێ کوردستانێ ھاتە راگەھاندن.

کاردو ئاسو یاریزانێ ھێلا بەرەڤانی لایێ چەپ و راستێ یاری کەت و ژ یاریزانێن خودان شیان دخولا پلا ئێک یا سوید دا ئاستەکێ باش ھەیە یاری دخولا سوید یا پلا ئێک دا کەت

ھەردو ستێرێن دالکورد رێوان ئەمین و راویژ لاوان مافێ کرنا یاریێ ھەیە و خەلکێ باژێرێن دھۆک و سلێمانیێ نە

ستێرا خولا پلا ئێک یا پرتوگالی و یانا سانتا کلارا یا پرتوگالی ئوسامە رەشید کو خەلکێ باژێرێ کەرکوک بەری نوکە ژی د قارەمانیێن ھەرێمی دا بۆ ھەلبژارتیێ کوردستانێ یاری کریە و و یاریزانێ ھەلبژارتیێ عیراقێ ئولومپی و ئێکێ بوو.

ھەردیسان شێرکو کەریم کو خەلکێ باژێرێ کەرکوکێ یە یاریزان یانا ئێڤ سی ڤادوز یا سویسری ماڤێ کرنا یاری بۆ ھەلبژارتیێ کومارا کوردستانێ یە.

یاریزان ئەحمەد حەسەن یاریزانێ یانا ئیچ بی کوگە یا دانیمارکی ل ھێلا ھێرشبەری یاری کەت.

یاریزان ھونەر عەبدی ستێرا ھێلا بەرەڤانیا یانا یوڤاسکولا یا فلندی ژی ماڤێ کرنا یاری ھەیە و خەلکێ ھەرێما کوردستانێ یە

ھەردیسان ھەردو برا کو خەلکێ باژێرێ دھۆکێ نە ئەوژی زانا عەلی و ئەحمەد عەلی ل خولا فەرەنسا یاری کەن کو ھەردو یاریزانا ھەلبژارتیێ عیراقێ بەری نوکە رەتکر بوو .

گوڤەند حەیدر یاریزانێ کورد و خەلکێ باژێرێ ھەولێر .

رۆژگار قادر گولکەرێ خولا پلا سێ ل نەمسا

رێین ئەسعەد گولکەرێ خولا پلا سێ یا ئوسکوتلەندا  چەندین یاریزانێن دی ھەنە ل خولێن سوید و ھولەندا و ئورۆپی یاری کەن کورد خەلکێ ھەرێما کوردستانێ نە

مەحمود داود یاریزانێ بروسیا دورتموند

مێرکان ئایدن

مێرڤان چەلیک

ھەردیسان ھەلبژارتیێ کومارا کوردستانێ ماف ھەیە داخوازی ژ ھژمارەکا چەند یاریزانين دی یێن کورد بکەن ھەکە ئەو یاریزان ل سەر داخوازیا کوردستانێ رازیبوون ھەر چەند گەلەک ژ ئەوان یاریزان دیارکریە خەونا ئەوانە یاری بۆ ھەلبژاتیێ کوردستانێ بکەن گەلەک دیدار و داخویانیێن خوە دا دیارکریە و شانازی ب کورد بوونا خوە ل ئورۆپا بوو دەزگەھێن راگەھاندنا جیھانی دیارکریە کو خەلکێ باکورێ کوردستانێ ھەردیسان رۆژئاڤا ئەوژی ستێرا کورد یێ بەرنیاس کو دھێـتە ھژمارتن بەرنیاسترین یاریزانێ کورد نوکە ل ئورۆپا بھایێ فروتنا ئەوی ل مێرکاتویا ئەڤ سالە دا خوە ل ٢٠ ملیون یورۆیا دابوو ئەوژی یاریزان ھەلبژارتیێ ئەلمانیا یێ ٢١ سالی و یانا بروسیا دورتموند مەحمود داود کو خەلکێ باژێرێ قامشلو رۆژئاڤا کوردستانێ و ھەردیسان یاریزان ئەیاز عوسمان یاریزانێ دینامو دێرسن ئەوى  دخولا بوندس لیگا يا دو دا یاری کەت كو خەلکێ باژێرێ قامشلویێ یە ھەردیسان کورێ قامشلویێ و یانا تلستار و ڤیستە یا ھولەندی یا بەری نوکە محەمەد ئوسمان ژی ماڤ ھەیە ھەکە داخوازی ژێ بھێـتەکرن .
فەرھاد ئەیاز یاریزانێ باکورێ کوردستانێ ل خولێن تورکی و سویدی یاری کریە نوکە ل یانا ھاکن یا سویدی یاری کەت و ھەردیسان یاریزان مێرڤان چەلیک ئێک ژ یاریزانێن بەرنیاس ل سەر ئاستێ سوید و ھەردیسان یاری ل خولا ئیتالیا ل گەل یانا پاسکارا و رێنچیز یا ئوسکوتلەندی کریە ھەردیسان گەلکەرێ کورد و خولا پلا ئێک یا تورکی و یاریزانێ وەرزێ بوری یێ یانا دالکورد و یانا بوخوم یا ئەلمانی مێرکان کو خەلکێ باکورێ کوردستانێ یە یە ماڤێ کرنا یاری ھەیە و ھەردیسان ستێرا یانا ئامەد سپور دەنیز ناکی ژی ھەکە ھات و داخوازی ژێ ھاتەکرن دێ مافێ کرنا یاری ھەبیت ژبەرکو یاریزان بەری نوکە دیارکربوو خەونا ئەوی ئەوە یاری ل بن ئالایێ پیروز کوردستانێ بکەت و بناڤێ کوردا یاری بکەت.
ھەکە ھەلبژارتیێ کوردستانێ ھات و ھاتە ھەلبژارتن دێ ئێک ژ ب ھێزترین ھەلبژارتیا بیت ل سەر ئاستێ رۆژئاڤا ئاسیا ھەردیسان دێ تیمەکا ب ھێز بیت ژبەرکو زوربەیا یاریزانێن بەرنیاس یێن کورد یێن ھەلبژارتیێ عیراقێ کوردن و ھەردیسان ھژمارەکا مەزن یا یاریزانێن کورد نوکە ل ئورۆپا یاری کەن ل یانێن بەرنیاس و قارەمانیێن ئورۆپی و یورۆپا لیگ ژی پشکداری کریە و د ڤاڤارتن و قارەمانیێن ئاسیا دا کوردستان دێ شێت بیتە ھەلبژارتیەکێ ب ھێز و زێدەباری ھژمارەکا یاریزانێن نافخوی ل ناڤا کوردستانێ ژی ھەنە.

دەنیز ناکی

کۆمێنتا تە