ئەو لیستێن بۆ هەلبژارتنان ل کۆمسیونێ هاتینه پەسەندکرن هاتنه هەلوەشاندن
ئەڤرۆ نیۆز،زنار تۆڤی:
كۆمسیۆنا بنلدا سه‌ربه‌خۆ یا هه‌لبژارتن و راپرسیان ل هه‌رێما كوردستانێ ئەڤرۆ سێشەمبی 31.10.2017 هه‌لوه‌شاندنا لیستێن قه‌واریێن سیاسی راگەهاندن كو پێشتر بۆ هه‌لبژارتنێن په‌رله‌مانێ كوردستانێ هاتبوونه په‌سه‌ند كرن.
كۆمسیۆنا هه‌لبژارتن و راپرسیان ل هه‌رێما كوردستانێ سێ بریار ده‌ركرینە و ژ وان ژی هه‌لوه‌شاندنا لیستێن ناڤێن قه‌واره‌یێن سیاسی كو خوه بۆ هه‌لبژارتنێن خۆلا پێنجێ یا په‌رله‌مانێ كوردستانێ تۆمار كرین و دوپاتكریه،کو چو لایە‌كی ماف نینه ب وان ناڤان بانگه‌شێ بۆ خوه بكه‌ت، ژبه‌ركو ئه‌و لیسته تنێ بۆ مه‌ره‌ما پشكداریكرنێ بوون د هه‌لبژارتنان دا.
هەروەسا بریارا كۆمسیۆنێ تایبه‌ته ب ڤه‌گه‌راندنا وی پاره‌ی كو ژ ئالیێ سیاسی ل به‌رانبه‌ر خوه تۆماركرنێ هاتبوو وه‌رگرتن.
هەروەیا کۆمسیۆنا بلندا سەربەخۆیا هەلبژارتن و راپرسیێ دیارکریە ،کو هه‌ر ده‌ما ژڤانه‌كێ نوو بۆ هه‌لبژارتنێن هه‌رێما كوردستانێ هاته ده‌ستنیشان كرن، ل وی ده‌می دێ ده‌رگه‌هێ تۆماركرنا قه‌واره‌یێن سیاسی جاره‌كا دی هێته ڤه‌كرن.
دیسا كۆمسیۆنێ ئاماژه ب هندێ دایە،کو ئه‌ڤ بریاره ژبه‌ر درێژكرنا ده‌مێ په‌رله‌مانێ کوردستانێ بۆ دو خۆلان هاتینه ده‌ركرن.
