ئەو کەساتیێ د ئەنفالێن رەش دا ھەڤکاریا بەھدینيان کری وەغەرکر
ھەولێر، قائید میرۆ:
حاجی فازل گەردی، ئێک ژ کەسایەتیێن باژێڕێ ھەولێرێ و ھاریکارێ خەلکێ دەڤەرا بەھدینان د پڕۆسا ئەنفالێ دا ئەڤرۆ وەغەرا دوماھیێ کر.
رژێما بەعسا ژناڤچویی ددەمێ ئەنجامدانا پڕۆسا ئەنفالێن بەھدان ب ھزاران خێزانێن بەھدینان ڤەگوھاستن بۆ دەشتا ھەولێرێ و ل کۆمەلگەھێن بەحرکە و جەژنیکان ھاتنە ئاکنجیکرن، د کاودانێن وی سەردەمی دا حاجی فازل گەردی شیا سەرەرای دۆرپێچا حکوومەتا عێراقێ ھاریکاریا خەلکێ بەھدینان بکەت.
حاجی فازل گەردی، بەری نوکە بۆ رۆژناما ئەڤرۆ دیارکربوو کو ھژمارەکا زۆرا خەڵکی بەھدینان ھاتبوونە ڤەگوھاستن بۆ گوندێ من ل جەژنیکانێ و د رەوشەکا خراپدا ژیانا خوە دەرباز دکر، بەلێ ئەز شیام گازی خەلکێ زەنگینێ ھەولێرێ بکەم و ھاریکاریا خەلکێ بەھدینان بکەین، حکوومەتا عێراقێ چاڤدێریا مە دکر، بەلێ ئەم د رژدبووین لسەر ھاریکاریێن خوە.
تێتە زانین، پشتی سەرھلدانێ ھەموو خێزانێن بەھدینان یێن بەحرکە و جەژنیکان ڤەگەڕیانە پارێزگەھا دھۆکێ تنێ ھژمارەک خێزانێن دەڤەرا بەرێ گارە و دۆلا زێبارێ ماینە، خەلکێ دھۆکێ خوە ب قەردارێ حاجی فازل گەردی دزانیت ھەمبەر وێرەکی و ھەڤکاریاوی د رۆژێن دژوار و بەرتەنگ دا.
