ئەڤرۆ سیستەمێ زانکۆلاین دێ کەڤیتە کاری
ئەڤرۆ نيوز:
پەیڤدارێ وەزارەتا خواندنا بلند و ڤەکۆلینێن زانستی یا حوکمەتا ھەریما کوردستانێ بۆ رۆژناما ئەڤرۆ دیار کر، بڕیارە ئەڤرۆ ل دەمژمێر ھەشتی سپێدێ سیستەمێ وەرگرتنا قوتابیان ل زانکۆ و پەیمانگەھان ب رێیا زانکۆلاین، بۆ قوتابیێن پۆلا 12 ئامادەیی یێن خۆلا ئێکێ و دویێ دێ کەڤیتە کاری و دبێژیت: دەرچوویێن پۆلا 12 ب رێیا وێبسایتی دشێن داخواز یێن خوە پێشکێش بکەن. سیستەمین (زانکۆلاین، راستەوخو، بەکریدیت، پارالێل و ئێڤاران) بۆ وەرگرتنێ ل زانکۆ و پەیمانگەھان پێشکێش بکەن.
عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ ئاشکرا ژی کر، پشتی ناڤێ (بکارئینەر و پەیڤا تێپەر) ژ لایێ وەزارەتا وانڤە ئاراستەی ریڤەبەریێن گشتی یێن پەروەردێن پاریزگەھێن (دھۆک، ھەولێر، سلێمانیێ و ھەلەبجە) و ئیدارێن (گەرمیان و راپەرین) ھاتینەکرن، داکو ب رێیا قوتابخانێن ئامادەیی ل سەر دەرچووێن 12 ئامادەیی بھینە بەلاڤکرن.
عەباسی خویا ژی کر، بڕیارە ئەڤرۆ 4-9-2018، ل دەمژمێر ھەشتی سپێدێ مالپەڕێ (www.regayzanko.com) دەرچوویێن پۆلا 12 ئامادەیی دشێن فۆرمێن وەرگرتنێ ل زانکۆ و پەیمانگەھان پڕ بکەن و پێشکێش بکەن و گۆت: “دەرچوویێن 12 ئامادەیی دەلیڤە ھەتا دەمژمێر 12 شەڤا 14/9/2018 یا ھەی بۆ وەرگرتنا فۆرمێ ل زانکۆ و پەیمانگەھێن کوردستانێ و پێدڤیە ب کارئینانا ھەمان وی ناڤێ بکارئینەر و پەیڤا تێپەر (یو‌زەر نەیم و پاسوورد) کو پێشتر ژ قوتابخانێن خوە وەگرتین، دشێن فۆرما وەرگرتنێ داگرن”.
گۆتژی: “دەرچوویێن 12 ئامادەیی ب رێیا ھەمان وێبسایت دشێن داخوازیێن خوە ب سیستەمێن (زانکۆلاین، راستەوخوە، کرێدێت، پارالێل و ئێڤاران) بۆ وەرگرتنێ ل زانکۆیان پێشکێش بکەن”.
