ئەڤرۆ شاندێ بلندێ پارتی و گۆرانێ دێ کۆمبیت
ئەڤرۆ نیۆز،زنار تۆڤی:
وەسا بریارە ئەڤرۆ پێنجشه‌مبی شاندێ بلندێ پارتی دیموکراتی کوردستان و بزاڤا گۆران کۆم ببیت و دێ گوتۆبێژان ل سەر چەند پرسان کەن.
نزار مەحمود ئەندامێ جڤاتا نیشتمانی یێ بزاڤا گۆرانێ ل پارێزگەها ھەلەبجە بۆ باس راگەهاندیە:کو ئەڤرۆ پێنجشەمبی (16-11-2017) شاندێ بلندێ پارتی دیموکراتی کوردستان و بزاڤا گۆران دێ ل باژێرێ سلێمانی کۆمبن و دێ گوتبێژان ل سەر چەندین پرسێن گرنگ کەن.
گوت ژی:ئەجندایێ کۆمبوونا گۆران و پارتی خۆ دناڤا رێککەفتنا سیاسی یا دناڤبەرا پارتی و لایەنێن سیاسی یێن باشۆرێ کوردستانێ دا دبینیت، چونکی ئەڤ دۆخێ چەق بەستی نوکە پێدڤی ب چارەسەرکرنێ ھەیە،لەورا چارەسەرکرنا ڤی دۆخی ب رێککەفتنا پارت و لایەنێن سیاسی دهێتە کرن.
هەروەسا دیارکر ژی:ھەر چەندە کۆمبوونا لایەنێن سیاسی ب خۆ کارەکێ باشە،بەلێ ئەم هیڤیان د‌خوازین كو کۆمبوونا پێنجشه‌مبێ پێنگاڤان بۆ چارەسەرکرنا کێشەیان بهاڤێژیت.