ئەڤرۆ فلمەكێ كوردی دێ ل سینەمایێن كوردستانێ هێتە نیشادان
دلڤین رەشید:
هونەرمەند و سینەماكار (ئاڤان جەمال) د دیدارەكێ بۆ رۆژنامەیا ئەڤرۆ گۆت: دڤی وەرزی دا فلمێ (بەهەشتێ نابینی ئەگەر ژن تە بكۆژیت) كو ڕۆلێ سەرەكی یێ ژنەكا پێشمەرگە كو بابەتێ ژنا كورد ب وێرەكی و مێرخواسی خەباتا وێ دانیتە ل بەر چاڤێ بینەران، دڤی فلمی دا مە خواست ڕۆلێ ژنا كورد یا پێشمەگە یێ راستەقینە دیار بكەین، كو ب رێكا ڤێ چیرۆكێ بەرهنگاری كۆمەكا كاودانێن ب زحمەت دبیت، لێ ئیرادەیا وێ وێنەكێ ژ بۆ پشكداری و خەباتا ژنا كورد دیاردكەت.
هەروەسا گۆت: ئەڤ فلمێ سینەمایی ژ دەرهێنانا ماموستا (هەلكەوت مستەفا) یە و ئەز ب ڕۆلێ ئەكتەرا سەرەكی دڤی فلمی دا ڕابوویمە و ب ئاناهیا خودێ دێ ل رۆژا 22 ڤێ هەیڤێ ل سەر شاشەێن سینەمایێن كوردی دهێتە نیشادان.
