ئەڤرۆ (فەستیڤالا دهۆك یا رەوشەنبیری – 6) دێ دەستپێكەت
شاكر ئەتروشی:
ب چاڤدێریا (د.عەلی تەتەر) پارێزگەرێ دهۆكێ، ل بەرە ئەڤرۆ 24 ئیلۆنێ، فەستیڤالا دهۆك یا رەوشەنبیری یا شەشێ ل هولا كونفرانسان ل زانكۆیا دەستپێبكەت و بۆ دەمێ دو رۆژان دێ یا بەردەوام بیت، فەستیڤال ژلایێ ئێكەتیا نڤیسەرێن كورد/لقێ دهۆك هاتیە رێكخستن.
بەرنامێ فەستیڤالێ ل دەمژمێر دەهی سپێدی ب خواندنا پەیڤەكا بخێرهاتنێ ژلایێ بەرێز (حەسەن سلێڤانەیی) سەرۆكێ ئێكەتیا نڤیسەرێن كورد/لقێ دهۆك دێ هێتە خواندن، دووڤدا پەیڤا چاڤدێرێ فەستیڤالی (د.عەلی تەتەر) دێ هێتە خواندن، پاشان شەش سمینار د دو پەنەلان دا دێ هێنە پێشكێشكرن، ل دووماهیێ چەند هەلبەست دێ ژلایێ هژمارەكا هەلبەستڤانێن هەرێما كوردستانێ و دەرڤە دێ هێنە خواندن و بەرنامەیێ سوبەهی ژی ژ چەند بڕگ و پەنەلان پێك دهێت و ل دانێ ئێڤاری دێ فەسیتڤال ب دووماهی هێت.
