ئەڤرۆ نیوز مەترسیەکا نەوشیروان مستەفای ل سەر پاشەرۆژا کوردستانێ ئاشکەرا دکەت
ئەڤرۆ نیوز:
ئەندامەکێ سەرکردایەتیا پارتی دیموکراتی کوردستان راگەھاند، نەوشیروان مستەفا بەردەوام دژی وێ چەندێ بوو گەلێ کورد بگەھیتە ئارمانجێن خوە و ھەرێما کوردستانێ ببیتە دەولەت.
عەلی عەونی ئەندامی سەرکردایەتیا پارتی دیارکر ژی” نەوشیروان مستەفا ھەموو دەمان نوونەراتیا بالێ عیراقچی دناڤ بزاڤا رزگاریخوازا کوردی دکر، دناڤ ئێکەتی نیشتمانی کوردستان ژی دا ھەموو دەمان دگوت پێدڤیە ئەم گرێدای عیراقێ بین و دەست ژ مافێن خوە بەردەین، تنێ بۆ وێ چەندێ خەبات دکر کو پۆستان وەربگریت، چونکی وی بەردەوام دگوت پێدڤی ناکەت کورد ببنە دەولەت، بەلکو پێدڤیە کورد د چارچۆڤێ عیراقێ دا بمینن و مە بکەنە وەزیر و چەند پۆستێن دی ژی بدەنە مە، ب دیتنا نەوشیروانی ئەوبو ھەکە وی وەگوت ئەڤە تمام و دێ ئەو بیت یا وی دڤێت، ئەم وەکو پارتی شەڕێ مە ل سەر ئاخا کوردستانێ یە، جوگرافیا کوردستانێ دیاربکەین، کو بارزانیێ نەمر شورەشەک ل سەر کەرکووکێ دانا، پاشی کی خودانێ ڤێ ئاخێ یە؟، لەوما پێدڤیە دەولەتا عیراقێ ب شێوەکێ فەرمی دانپێدانێ ب سنۆرێ ھەرێما کوردستانێ بکەت، لەوما شەڕێ مە ئەڤەیە نەکو وەک یێ نەوشیروانی یە کو ل سەر پارەی دکەت”.
عەلی عەونی گوت ژی” ھەر ئەو نەوشیروانە و چەند کەسێن دی ئەگەر بوون کو ھەتا نوکە کورد ب مافێن خوە یێن رەوا نەگەھشتیە، بەندەکا کوردی یا ھەی دبێژیت (ھەکە کرمیا دارێ ژ دارێ ب خوە نەبیت چو جاران ئەو دار نارزیت)، نوکە تاقمێ نەوشیروانی کێشە ل دووڤ کێشێ پەیدا دکەت و خەلکی پێڤە مژوول دکەت، کو ھەموو ئەو تشتە ژی درەون، وی تاقمی وەسا ھندەک زارۆک تێگەھاندینە کو بێژن دەولەت بۆ چیە ھەکە نەشێی مووچەی پەیداکەی!، باشە ھەکە وەسا بیت سەدامی ھەموو مەھەکێ مووچە ددان، بۆچی خەلک دژی وی راوەستا و سەرھلدان کر، ھەموو تشت مووچە نینە، بەلام نەوشیروانی مێشکێ وان یێ تێکدای، دەمی ھاتینە سەر دەستھەلاتێ و مە کوردستان وەرگرت یا وێران بوو، نوکە ھەموو جیھان ب وێ چەندێ یێن مەندەھوش بووین کا چاوان د وی دەمێ کێم دا ھەرێما کوردستانێ پێشکەفت”.
