ئەڤرۆ نیوز ژمارا لەشکرێ تورک یێ ھاتیە ناڤ ئاخا عیراقێ بەلاڤ دکەت
ئەڤرۆ نیوز، ئەیاد بەرواری:
130 سەربازێن تورکی رۆژا ئەینیێ ب چەکێن گران ڤە گەھشتنە نێزیک باژێرێ مووسلێ بۆ شەڕێ رێکخستیا داعش یا تیرۆرستی.
سایتێ (الخلیج ئونلاین) یێ قەتەری ژ رۆژناما (سەباح) یا تورکی کو یا نێزیکی حوکمەتا تورکی یە، ڤەگوھاستیە کو بەرپرسێن تورکی گەھشتنا وێ ھێزا تورکی بۆ نێزیکی مووسلێ پشتراست کریە کو ئەو ھێزە د چارچۆڤێ ھێزێن ھەڤپەیمانیا نێڤدەولەتی یە ب سەرکێشیا ئەمریکا.
بەرپرسەکی تورکی بۆ (سەباح) گوتیە ژی، ئەو ھێزێن تورکی دێ مەشقێ ب ھێزێن لەشکری یێن عیراقی کەن.
سایتێ (الخلیج ئونلاین) یێ قەتەریژ زاردەڤێ ھندەک ژێدەرێن تایبەت ڤەگوھاستیە کو ھاریکاریێن تورکی یێن گەھشتینە ھێزێن خوەبەخش ئەوێن ژلایێ پێشمەرگەی ڤە دھێتە مەشقدان ل دەڤەرا شێخان.