ئەڤرۆ هێزەکا دیتر یا سووریێ گه‌هشته عه‌فرینێ
ئەڤرۆ نیوز،زنار تۆڤی :
كه‌نالێ ئارتى یێ رووسیا ئاشكرا كریە،کو ئه‌ڤرۆ هێزەکا دیتر یا سه‌ر ب رژێما سووریێ ڤە گه‌هشته عه‌فرینێ و هێزێن سووریا ب سه‌ر سێ دەڤەرێن عه‌فرینێ دا دابه‌ش بووینە.
هنارتیێ ئارتى یێ رووسى ل عه‌فرینێ را‌گه‌هاندیە،کو ئه‌ڤرۆ چارشه‌مبی هێزەکا دیتر یا سه‌ر ب رژێما سووریێ ڤە گه‌هشتیه عه‌فرینێ.
ئێڤاریا دوهی سێشه‌مبێ ئێکه‌م كاروانێ هێزێن ملی یێن سه‌ر ب رژێما ئه‌سه‌دی ڤە گه‌هشتینه عه‌فرینێ،سه‌ره‌راى نەرازیبوونا توركیا ئه‌ڤرۆ كاروانەکێ دیتر گه‌هشته عه‌فرینێ.
كه‌نالێ ئارتى یێ رووسی گوتیە، هێزێن سووریێ ل نێزیك عه‌فرینێ ب سه‌ر سێ سه‌نگه‌ران دا دابه‌ش بووینە، ئه‌و ژی دەڤەرێن جه‌نده‌یس و بولبوله و راجۆن،وان هێزان ل وان دەڤەران سه‌نگه‌رێن قائیم چێکرینە و ئالایێ سووریێ هه‌لدایە.
ئارتی ئاماژه ب هندێ کریە،کو وان زانیاری ژ به‌رپرسەکێ یه‌په‌گێ پشتراست كرینه و دووپاتى ل هندێ كریه،کو هێزێن ملی یێن به‌شار ئه‌سه‌دی ل عه‌فرینێ سه‌نگه‌ر گرتینه.
هنارتنا وان هێزێن سه‌ر ب به‌شار ئه‌سه‌دی،پشتی رێككه‌فتنەکێ دهێت،کو هێزێن سووریا دیموكرات ل گه‌ل ئه‌سه‌دی ل دژى ئۆپەراسیۆنا سه‌ربازی یا توركیا ئه‌نجام دایە.
