ئەڤرۆ پلێن گەرمێ ل ھەرێمێ دێ گەھنە 52 پلان
ئەڤرۆ نيوز:
ل دووڤ پێشبینیێن رێڤەبەریا گشتی یا کەشناسیا ھەرێما کوردستانێ پلێن گەرمێ ل چەند دەڤەرێن ھەرێما کوردستانێ بۆ 52 پلێن گەرمێ دێ بلند و پشتی ھینگێ دێ دەست ب نزمبوونێ کەن.
ل گۆرەی پێزانینێن کەشناسیا ھەرێما کوردستانێ دوھی 4-7 و ئەڤرۆ پلێن گەرمێ ئێک ھەتا سێ پلێن سەدی، پلێن گەرمێ ژ رۆژێن بۆری دێ زێدەتر لێ ھێن، دیسا پێشبینی دھێتە کرن ل دەڤەرێن گەرمیان، کەرکووک و خانەقین پلێن گەرمێ بۆ 52 پلێن سەدی بلند ببن.
رێڤەبەریا گشتی یا کەشناسیا ھەرێما کوردستانێ خویا ژی کریە، پێشبینی دھێتە کرن ئەڤرۆ 5-7-2017 ھەوایەکێ ھوین ژ دەریا رەش بھێت و ھەرێما کوردستانێ ڤەگریت و ژ ئەگەرێ وی ھەوای پلێن گەرمێ ل ھەرێمێ دێ نزم بن و ھەتا رۆژا شەمبیا بھێت بەردەوام دێ د نزمبوونێ دا بن.
ل دووڤ پێشبینیێن کەشناسیا ھەرێمێ، سوبەھی 6-7-2017 ل دەڤەرێن رۆژھەلات و باکوورێ تورکیا پێلەکا بارانبارینێ دێ دەست پێ کەت و ژ ئەگەرێ وێ ژی پلێن گەرمێ ل ھەرێمێ دێ گەلەک نزم بن.
