ئەڤێ پانزینخانێ بایێ پانزینا خوە کێمکر
ئەڤرۆ نیوز، نەوزاد هلۆری:
پشتی کو چەند رۆژێن بوری پانزین ل کوردستانێ ب گشتی و پارێزگەها دهۆک ب تایبەتی گران بووی ، د نهادا پانزینخانەکا شێلادزێ وەکو بارسڤکیەک و بەرچاڤ وەرگرتنا هەیڤا رەمەزانێ بریادا ئەزرانترین پانزین ل پارێزگەها دهۆک بفروشیت.
ئەنەس محەمەد خودانێ پانزینخانا لینک ل شێلادزێ بو ئەڤرۆ نیوز گۆت: (پشتی کو چەند روژێن بوری مە وەکو هەموو پانزینخانێن پارێزگەها دهۆک پانزین گرانگری ، نەرازیبوونێن زور ژلایێ شوفێر و وەلاتیان پیدابوون ، بەلێ گرانبوونا وێ ب دەستێن مە نینە بەلکو ب شێوەیێ بارزگانی و گرانی بومە دهێت).
زێدەتر گوت: (ئەم پانزینا نورمال ب 700 دیناران دکرین ، و ب 710 دیناران دفروشین ئانکو تنێ 10 دینار فایدێ مەیە . بەلێ ل هەموو پانزینخانێن دن 50 دینار مفایێ وایە).
ل بارا ئەگەرێن ئەرزانکرنا پانزینێ ژی گوت: (تنێ مە دڤیا بارگرانیا شوفێر و وەلاتیان کێم بکەین و وەکو ئەرکەکێ نیشتمانی و نەتەوەیی ئەم ژی پشکداریێ د خەما شوفێران و قەیرانا دارایی بکەین و گەلەک لسەر شوفێران گران نەکەین ، و دیسان رێیا دناڤبەرا دێرەلوک و شێلادزێ لژێر چێکرنێ یە و مە دڤیا هارکاربین ل گەل شوفێران هەتاکو ئەو رێک تمام بیت ژبەرکو ئەوێ رێکێ ژی کارتێکرن لسەر شوفێران کریە و گەلەک پانزین دهێتە سووتن.
