ئەڤ شەڤە ناڤێن دەرچوویێن سیستەمێ پارالێل دێ هێنە راگەهاندن
ئەڤرۆ نیۆز،زنار تۆڤی:
وەزارەتا خواندنا بلند و ڤەکۆلینێن زانستی، ئەنجامێن سکالایێن (زانکۆلاین) دادەگەهینیت،کو ب ڤی ئەگەری 2 ھزار و ٢٦٠ قوتابیێن دی ل دووڤ کێمترین کۆیێ نمران وەرگرتینە ل زانکۆ و پەیمانگەهان هاتینە وەرگرتن.
عەباس ئەکرەم،پەیڤدارێ وەزارەتا حواندنا بلند و ڤەکۆلینێن زانستی،راگەهاند:پشتی دەرگەهێ پێشکێشکرنا سکالان بۆ وان دەرچوویێن پۆلا 12 ئامادەیی هاتیە ڤەکرن،کو ب رێیا زانکۆلاین داواکاری پێشکێش کربوون،پشتی ھەلسەنگاندنا سکالێن وان دەرکەفت کو ناڤێن وان ل ھیچ زانکۆ و پەیمانگەهەکێ نەبوون،لەورا پشتی پێداچوونا سەرجەم سکالایان د ئەنجامدا 2 ھزار و ٢٦٠ قوتابیێن دیتر ل دووڤ کێمترین کۆیێ نمران هاتنە وەرگرتن بۆ سالا خواندنێ (٢٠١٧-٢٠١٨) ل زانکۆ و پەیمانگەهان.
پەیڤدارێ وەزارەتا خواندنا بلند ڤەکۆلینێن و زانستی، گوت ژی،ئەو قوتابی دشێن ئەڤرۆ پێنجشەمبی ٩/١١/٢٠١٧ ل کاتژمێر (7) شەڤ ب رێیا وێبسایتێ ئەلیکترۆنی (www.regayzanko.com) ب بکارئینانا ھەمان ناڤێ بکارھێنەر و پەیڤا تێپەر(یوزەر نەیم و پاسۆرد) کو پێشتر فۆرما (زانکۆلاین) پێ پڕکربوو،دشێن وی جهی ب بینن یێ کو ژ ئەنجامێ سکالایا (زانکۆلاین) لێی هاتیە وەرگرتن، پێدڤیە ب زووترین کاتدا پەیوەندیێ ب وێ پشکا کۆلێژێ بکەن یێن کو ناڤێن وان لێ ھاتینە،ژ پێخەمەت چێکرنا مامەلەیێن خۆ و دەستکرن ب پرۆسەیا خواندنێ.
هەروەسا دیارکر ژی،دەرچوویێن پۆلا 12 ئامادەیی ئەوێن داخۆازی بۆ وەرگرتن ب شێوێ سیستەمێ پارالێل ل زانکۆ و پەیمانگەهان پێشکێش کری،هەر ئەڤرۆ پێنجشەمبی، (٩/١١/٢٠١٧) ل کاتژمێر (٨) شەڤ ب ھەمان شێوە ب رێیا ویبسایتێ ئەلیکترۆنی (www.regayzanko.com) ب کارئینانا ھەمان ناڤێ بکارھێنەر و پەیڤا تێپەر (یوزەر نەیم و پاسۆرد)،دشێن وی جهی ب بینن،یێ کو ب سیستەمێ (پارالێل) لێ هاتیە وەرگرتن.
