الشرق الاوسط: سۆپايێ پاسدارێن ئيرانێ يێ ل سلێمانيێ هاتيه كۆمكرن
ئه‌ڤرۆ نيوز:
ب مه‌ره‌ما پشته‌ڤانيكرنا هێزێن حه‌شه‌د شه‌عبى د ئۆپه‌راسيۆنا چاڤه‌رێكرى يا ئازادكرنا مووسل دا ئيرانێ هێز دانايه سنورێ سلێمانيێ.
ب گۆره‌ى راپۆرته‌كا رۆژناما “الشرق الاوسط” كو ئه‌ڤرۆ رۆژا ئێكشه‌مبى 16ى چريا ئێكێ 2016 هاتيه به‌لاڤكرن ئاشكه‌را كريه كو كۆمارا ئيسلامى يا ئيرانێ ب مه‌ره‌ما پشته‌ڤانيكرنا ميليشياتێن شيعان د ئۆپه‌راسيۆنا ئازادكرنا مووسل دا، هێزێن سۆپايێ پاسكداران ل سنورێ سلێمانيێ بنه‌جهكريه.
هه‌مان رۆژنامێ ئه‌و چه‌نده ژى روونكريه كو ئيران گرنگيه‌كا زۆر ب وى بابه‌تى دده‌ت ب مه‌ره‌ما وێ چه‌ندێ كو رێيه‌كا هشكاتى يا ب له‌ز ل سنورێ ئيرانێ بۆ سنورێ سلێمانيێ و پاشان كه‌ركووك و ل وێرێ ژى بۆ مووسل بۆ سنورێن سوريا مسوگه‌ر بكه‌ت.
پێشتر ژى به‌حس ل وێ چه‌ندێ هاتيه كرن كو ئيرانێ دڤێت ل سنورێن خوه هێله‌كێ بۆ سوريا دروست بكه‌ت كو دبێژنێ “هێلا شيعى” ئه‌و هێل ل ده‌ڤه‌را سلێمانيێ ده‌ست پێ دكه‌ت و د ناڤ پارێزگه‌ها كه‌ركووك دا ده‌رباز دبيت و ل وێرێ ژى بۆ سنورێ پارێزگه‌ها مووسل و د ناڤ وان ده‌ڤه‌ران دا دچيت كو “په‌كه‌كێ” ده‌ست يێن ب سه‌ر دا گرتين و هه‌تا دگه‌هيته سنورێ رۆژئاڤايێ كوردستانێ كو سنورێ ده‌وله‌تا سوريايه.
