بابه‌كر زێبارى پۆسته‌كێ گرنگ ل بادينان وه‌رگرت
ئه‌ڤرۆ نيوز، نيوار محه‌مه‌د سه‌ليم:
سۆپاسالارێ به‌رێ يێ له‌شكرێ عيراقێ ژ نوكه و پێڤه دێ وه‌كو به‌رپرسێ ميحوه‌رێ بادينان يێ هێزا پێشمه‌رگێ كوردستانێ ده‌ست ب كار بيت.
عه‌ميد هه‌لگۆرد حكمه‌ت، به‌رپرسێ راگه‌هاندن و هوشياريا نشتيمانى ل وه‌زاره‌تا پێشمه‌رگه‌ى بۆ ئه‌ڤرۆ نيوز گۆت: “ب ره‌نگه‌كێ فه‌رمى فه‌ريق بابه‌كر زێبارى وه‌كو به‌رپرسێ ميحوه‌رێ بادينان يێ پێشمه‌رگێ كوردستانێ هاتيه ديار كرن و دا زانين ئه‌ڤه ژ ئه‌گه‌رێ وان گوهۆڕين و لێكگۆهاڕتنايه يێن ناڤا وه‌زاره‌تا پێشمه‌رگه‌ى”.
ئاماژه ب وێ چه‌ندێ ژى كر كو ئه‌و ده‌مێ بابه‌كر زێبارى سۆپاسالارێ له‌شكرێ عيراقێ چه‌ند جاران ژ مه‌سعود بارزانى سه‌رۆكێ هه‌رێما كوردستانێ خواستيه كو ئه‌و دخوازيت د ناڤ رێزێن پێشمه‌رگێ كوردستانێ دا كار بكه‌ت.
به‌رپرسێ راگه‌هاندن و هوشياريا نشتيمانى ل وه‌زاره‌تا پێشمه‌رگه‌ى خۆيا ژى كر كو ئه‌و ده‌ڤه‌را نوكه ئه‌رك لێ وه‌رگرتى هه‌موو بادينى نه و شاره‌زايه‌كا گه‌له‌ك باش ل سه‌ر وێ ده‌ڤه‌رێ هه‌يه.