بابێ لینایێ بۆ ئەڤرو نیوز : ئەڤە سێ روژە کچا من یا بەرزەیە
ئەڤرو نیوز ، نەوزاد ھلۆری:
سێ رۆژە کچەکا باژێرێ زاخۆ بناڤێ ” لینا وەلید عەباس ” ل مال دەرکەفتیە و ھەتا نھا نەزڤری یە مال وددەتن دیارکرن ژی کو کچا وی ژلایێ ساخلەمیێ ڤە درۆستە و چوو کێشەیێن دەروونی نینن و ئەوان گومان ژی لسەر کەسێ نینن کو کچا وان ھاتبیتە رەڤاندن.
دڤی واریدا وەلید عەباس بابێ لینایێ بو ئەڤرو نیوز گۆت: ( شەڤا ھەینی کچا من بناڤێ لینا دیار نامینیت و ھەتا نھا ژی ئەم چوو ژێ نوزانین )
زێدەتر گۆت: (ژیێ کچا من ١٦ سالن و ل تاخێ حسێنیکێ بەرزەبوویە و ھیڤیە ھەر کەسێ زانیاری لسەر ھەبن پەیوەندیێ ب پولیسان بکەت یان ژی ب من بکەت لسەر ھژمارا ٠٧٥٠٤٩٦٣٩٤٣ )
بابێ وێ دوپات ژی کر کو کچا وی یا درۆستە و چوو نەخوشیێن دەروونی و جەستەیی نینن و گوت ژی: ( کچا من قوتابیە ل رێزا دەھێ ئامادەیی و نمرەکا بلند ژی دەستخوڤە ئینایە و مە چوو ئاریشە ل گەل کەسێ نینن و کچا من ژی ساخلەمە و چوو نەخوشی نینن ب تایبەتی نەخوشیێن دەروونی ، ھەردیسان کەسێ چی چوو تشت نەگوتینە لینایێ و ئەوێ ژی چوو کێشە ل گەل کەسێ نینن)
