بابێ وێ كوشت
ئه‌ڤرۆ نيوز:
پۆليسێن هاتنوچوونێ ل پارێزگه‌ها دهۆكێ راگه‌هاند كو ئه‌ڤرۆ بابه‌كى كچا خوه كوشت پشتى ب نه‌زانين ڤه ترۆمبێلا خوه دايه سه‌ر كچا خوه.
رائيدێ مافپه‌روه‌ر ئازاد تاها به‌رپرسێ رێڤه‌به‌ريا هاتنوچوونا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 19ى شوباتا 2016ێ و د روودانه‌كا دلته‌زين دا ل باژێرێ زاخۆ بابه‌كى كچا خوه يا بچووك كوشت”.
زێده‌تر گۆت: “ئه‌وى بابى ترۆمبێلا خوه يا كوسته‌ر -كرێ- ب شاشى ڤه ل زارۆيێ خوه دا و ب مخابنى ڤه زارۆى گيانێ خوه ژ ده‌ست دا”.
رائيدێ مافپه‌روه‌ر هيڤى ژ شوفێران خواست كو ده‌ما ل ترۆمبێلێن خوه سووار دبن هشيارى زارۆيان بن ل ده‌وروبه‌رێن ترۆمبێلێن خوه دا كو چو روودانێن دلته‌زين روو نه‌ده‌ن.
