باج دان ل هه‌رێمێ ب دروستى ناهێته دان
ئه‌ڤرۆ نيوز، ناجی به‌ده‌ل:
مامۆستایه‌كێ پسپۆر د بیاڤێ ژمیریارێ دا ل زانكۆیا دهۆكێ دياركر كو باج دانان نابيته هاريكار بۆ قه‌يرانا دارايى ل هه‌رێمێ و باج دانان يا دروست نينه و كێم و كاسى يێن تێدا هه‌ين.
ئاراز محه‌مه‌د ره‌شید گۆت: “نه رێك و پێكیه‌ك هه‌یه د بیاڤێ باجێ دا، چونكو چ چاڤدێریه‌ك نینه هه‌تا بزانیت مفایێ فلان كومپانیێ یان كه‌سی هنده‌یه باجا وی هنده دكه‌ڤیت و باج وه‌رگرتن ل هه‌ریمێ نه یا دروسته و كێم و كاسی هه‌نه”.
ئاراز گۆتژی: “باج دانان ب ڤی شێوه‌یی نابیته هاریكاره‌ك بۆ بودجا هه‌رێمێ بشێت قه‌یرانا ئابووری پێ چاره بكه‌ت”.
ناڤبری دیاركر ژی گه‌له‌ك كومپانی و كه‌سێن بارزرگان هه‌نه كو ده‌ما نڤیسارێن خوه دبه‌نه جهێن شوله‌ژی مفایێ خوه كێم دكه‌ن دا كو گه‌له‌ك باج نه‌كه‌ڤیته سه‌ر و چ دووڤچوونێن پێدڤی نینه بێژن هه‌كه هنده كار كر دڤێت مفایی وان ژی هنده بیت.
مامۆستايێ زانكۆيێ دا زانين ژى كو ب بۆچوونا وى هه‌تا نوكه باجا دروست ل هه‌رێمێ نه‌هاتیه وه‌رگرتن و گۆت: “بۆ نمونه شوقه یان خانی نینه نه هاتیه دان ب كرێ ب 400 دولاران ئه‌رێ باجه‌ك ژێ هاتیه وه‌رگرتن؟”.
ئاراز دا زانین هه‌كه لژنه‌كا دووڤچوونێ هه‌بیت ژ وه‌زاره‌تا دارايی بۆ هه‌ر تشته‌كی ژ بچووكی هه‌تا یێ مه‌زن و هه‌ر ده‌ما باج بهێته دان ل سه‌ر هه‌ر تشته‌كی و یا دروست بيت دێ بێته پشته‌ڤانیه‌كا باش بۆ حوكمه‌تێ و بلندكرنا پترا خزمه‌تگوزاریێن وه‌لاتیان.
