باج ورسومات ل سه‌ر ڤان جهان هاتن كێمكرن
ئه‌ڤرۆنيوز:
ده‌سته‌يا گه‌شتوگوزارێ ل هه‌رێما كوردستانێ راگه‌هاند، ناكۆكيێن سياسى دناڤبه‌را هه‌رێمێ وبه‌غدا كارتێكرنه‌كا مه‌زن ل سه‌ر كێمبوونا هاتنا گه‌شتياران ژپارێزگه‌هێن عيراقێ بۆ هه‌رێما كوردستانێ كريه وئاماژه ب ده‌ركرنا برياره‌كێ ل دۆر كێمكرنا باج ورسوماتان ل سه‌ر جهێن گه‌شتيارى دكه‌ت.
نادر رۆستى په‌يڤدارێ ده‌سته‌يا گه‌شتوگوزارێ ل هه‌رێما كوردستانێ بۆ ئه‌ڤرۆنيوز گۆت” ناكۆكيێن به‌غدا وهه‌رێمێ كارتێكرن ل كێمبوونا هاتنا گه‌شتياران ژ پاريزگه‌هێن عيراقێ بۆ كوردستانێ كريه ب تايبه‌تى پشتى بريارا حوكمه‌تا به‌غدا ل دۆر ده‌رگه‌هێن سنورى وفرۆكخانێن هه‌رێمێ”.
رۆستى ئاماژه ب ده‌ركرنا برياره‌كێ ژلايێ جڤاتا وه‌زيرێن هه‌رێمێ ڤه، كو ژلايێ وه‌زاره‌تا باژێرڤانيان وگوشتوگوزارێ هاتبوو ئاراسته‌كرن بۆ جڤاتێ، ب مه‌ره‌ما پشته‌ڤانى وهاندانا كه‌رتێ تايبه‌ت وكێمكرنا كارتێكرنا قه‌يرانا دارايى ل سه‌ر جهێن گوزارى ل هه‌رێمێ.
گۆت ژى” ل دووڤ وێ بريارێ هه‌موو باج ورسوماتێن ل سه‌ر جهێن گوزارى ب رێژا 50% ل باژێران و70% ل ده‌رڤه‌ى باژێران هاتينه كێمكرن”.
