بارزانى ب هه‌لكه‌فتا رۆژا ئالايێ كوردستانێ په‌يامه‌ك به‌لاڤكر
ئه‌ڤرۆ نيوز:
مه‌سعوود بارزانی سه‌رۆكێ هه‌رێما كوردستانێ راگه‌هاند؛ ئالایێ كوردستانێ نیشانا ئێكده‌نگی و ئێكگرتنا گه‌لێ كورده و هه‌موو گه‌لێ كورد د سه‌نگه‌ره‌كی دا كۆمدكه‌ت.
مه‌سعوود بارزانی سه‌رۆكێ هه‌رێما كوردستانێ، د پێگه‌هێ خوه‌یێ تایبه‌ت دا ل تۆرا جڤاكییا فه‌یسبووكێ، په‌یامه‌ك ب هه‌لكه‌ڤتا رۆژا ئالایێ كوردستانێ به‌لاڤكر و تێدا دیاركر، بۆ بلندكرنا ئالایێ كوردستانێ، ئه‌ڤرۆ پێشمه‌رگه‌یێن قاره‌مان یێن ل به‌ره‌یێن شه‌ڕی خوینێ دده‌ن و شه‌هیددبن.
سه‌رۆكێ هه‌رێما كوردستانێ دایه زانین ژی كو ره‌نگ و هێما و سیمبۆلێن ئالایێ كوردستانێ، پێناسه‌یا ئاشتی و ئازادی و به‌رخودانا گه‌لێ كورده و ئه‌و بهایێن بلندێن سه‌ركرده‌یێن گه‌لێ كورد هێلاین، ئه‌ركه بهێنه پاراستن و بده‌ینه نڤشێ پێشه‌رۆژێ.
سه‌رۆكێ هه‌رێمێ، ته‌ڤلی پیرۆزكرنا رۆژا ئالایی ل هه‌موو گه‌لێ كورد، داخوازكرییه ئالایێ كوردستانێ بهێته پاراستن و هه‌موو ئالی كار ب په‌یامێن ئالایی بكه‌ن.
ل رۆژا ئالایا کوردستانێ دا، ھەزاران سلاڤ ل گیانێ پاکێ شەھیدێن مەیێن سەربلند. ل ڤێ ھەلکەفت و بۆنەیا پیرۆز دا پێزانینێن من ژ بۆ خوەراگریا گەلێ کوردستانێ و جانگۆریا پێشمەرگەیێن مەیێن قەھرەمان ھەیە.
ئالا مە نیشانا یەکدەنگی و یەکگرتیا گەلێ مەیە و ژ بۆ گه‌ھیشتنا سەربلندی و رزگاریا یەکجارەکی مە ھەموویان ل یەک سەنگەرێ دا کۆم دکەت. ھەر ژ بۆ ڤێ یەکێ ژی ژ بۆ بلند راگرتنا وێ ئالایێ زارۆ و گەدەیێن مە ل بەرەیێن شەر جانێ خوە دبەخشن و شەھید دبن. رەنگ و ھێما و سەمبۆلێن ئالا کوردستانێ پێناسەیا ئاشتی و ئازادیخوازی و کۆلنەدانا گەلێ مەیە. وان بھایێن بلند سەرکردەیێن مەیێن نەمر ژ بۆ مە ب جیھ ھشتن و ئەرکێ مەیە ژی بپارێزین و بدین دەستێن نفشێن نوو.
بلا ئالا خوە بپارێزین و کار ب پەیامێن وێ بکه‌ین. رۆژا ئالایا کوردستانێ ل گەلێ کوردستانێ ب ھەموو پێکھاتێن وێ ڤە پیرۆز بە.
