بارزانى دێ شنگال كه‌ته پارێزگه‌هـ
ئه‌ڤرۆ نيوز:
ئه‌ڤرۆ رۆژا پێنجشه‌مبى 23ى نيسانا 2015ێ مه‌سعود بارزانى سه‌رۆكێ هه‌رێما كوردستانێ دێ ل گه‌ل ئێزديێن سنورێ شنگال كۆم بيت.
قاسم سمێر، فه‌رماندێ پێشمه‌رگێ ئێزديان ل سه‌ر چيايێ شنگال بۆ باسنيوز راگه‌هاند: ئه‌ڤرۆ مه‌سعود بارزانى سه‌رۆكێ هه‌رێما كوردستانێ ل كه‌ل كه‌ساتيێن سنورێ شنگال كۆم بيت”.
ده‌رباره‌يى كه‌سانێن دێ كۆمبوونێ ل گه‌ل كه‌ت گۆت: “كۆمبوون دێ ل گه‌ل خه‌لك و كه‌ساتيێن ده‌ڤه‌را شنگال كۆم بيت و يا تايبه‌ته ب پرسا شنگال و شه‌رێ داعش ڤه”.
مه‌حما خه‌ليل كه‌ساتيێ ديارێ باژێرێ ئێدزى و فه‌رمانده ل چيايێ شنگال و په‌رله‌مانتارێ به‌رێ يێ عيراقێ راگه‌هاند كو كه‌سانێن ده‌ڤه‌را شنگال داخواز ژ بارزانى كريه شنگال بكه‌ته پارێزگه‌هـ و بارزانى ژى سۆز دايه ب جدى ل سه‌ر وێ چه‌ندێ كار بكه‌ت.
دوهى چارشه‌مبى رێكه‌فتى 22ى نيسانا 2015ێ مه‌سعود بارزانى سه‌رۆكێ هه‌رێما كوردستانێ ل گه‌ل هه‌ر ئێك ژ كه‌ساتيێن شه‌به‌ك و خه‌لكێ ده‌وروبه‌رێن تله‌عفه‌ر كۆمبوو و د كۆمبوونێ دا به‌حسێ شه‌رێ داعش و ده‌ڤه‌رێ ل پشتى شه‌رێ داعش گه‌نگه‌شه‌كرن.
