بارزانى دێ ل گه‌ل سه‌رۆك وه‌زيرێن هنگاريا كۆم بيت
ئه‌ڤرۆ نيوز:
دوهى رۆژا ئێكشه‌مبى رێكه‌فتى 11ى گۆلانا 2015ێ، مه‌سعود بارزانى، سه‌رۆكێ هه‌رێما كوردستانێ ئه‌مريكا ب جهـ هێلا و ب سه‌ره‌دانه‌كا دو رۆژى گه‌هشته هنگاريا.
پێشتر فه‌لاح مسته‌فا، به‌رپرسێ فه‌رمانگه‌ها په‌يوه‌نديێن ژ ده‌رڤه يا هه‌رێما كوردستانێ راگه‌هاند بوو كو بارزانى بۆ ماوێ دو رۆژان دێ ل هنگاريا مينيت و ل گه‌ل سه‌رۆك وه‌زيرێن هنگاريا و به‌رپرسێن وى وه‌لاتى كۆم بيت.
ب گۆره‌يى ئه‌و زانياريێن ل به‌ر ده‌ست ئه‌ڤرۆ رۆژا دوشه‌مبى رێكه‌فتى 11ى گۆلانا 2015ێ سه‌رۆكێ هه‌رێما كوردستانێ و سه‌رۆك وه‌زيرێن هنگاريا دێ كۆم بن و د كۆمبوونێ دا كو يا تايبه‌ت ب پرسا شه‌رێ تيرۆرێ و كاودانێن سياسى و ئه‌منى يێن عيراقێ و هه‌رێما كوردستانێ.
هه‌ر ب گۆره‌يى ئه‌و زانياريێن رۆژنامه‌ڤانى بڕياره هنگاريا هاريكاريا له‌شكرى يا هه‌رێما كوردستانێ بكه‌ت و چه‌ندين شيره‌تكارێن له‌شكرى بۆ مه‌شقكرنێ ب هێزا پێشمه‌رگه‌يێ كوردستانێ ره‌وانه بكه‌ن.
