بارزانى: سه‌ركه‌فتنا هێزێن پێشمه‌رگه‌ى د قووناغا ئێكێ يا شه‌رێ مووسل دا راگه‌هاند
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ و فه‌رماندێ هێزێن چه‌كدار د كۆنگره‌كێ رۆژنامه‌ڤانى دا ل خازرى سه‌ركه‌فتنا قووناغا ئێكێ يا شه‌رێ مووسل راگه‌هاند و گۆت: “پێشمه‌رگه‌ى گۆرزه‌كێ دژوار ل داعش دا و زێده‌تر ژ 200 كليۆمه‌ترێن چارگۆشه هاتينه رزگاركرن”.
ده‌مژمێر 16:00ى رۆژا 17ى چريا ئێكێ 2016 مه‌سعود بارزانى سه‌رۆكێ هه‌رێما كوردستانێ و فه‌رماندێ گشتى يێ هێزێن چه‌كدارێن هه‌رێما كوردستانێ ل ميحوه‌رێ خازر سه‌ركه‌فتنا پلانا پێشمه‌رگه‌ى راگه‌هاند و گۆت: “ئه‌ڤرۆ رۆژه‌كا مێژوويه، ده‌ستخۆشيێ ل هه‌موو پێشمه‌رگێن قاره‌مان دكه‌م، دربێن دژوار ل دوژمنان داينه”.
بارزانى راگه‌هاند ژى كو ئه‌ڤه جارا ئێكێ ل شه‌رێ دژى داعش سوپايێ عيراقێ و پێشمه‌رگه پێكڤه پشكدار دبن و ته‌كست كر كو دڤێت پێشمه‌رگه و سۆپاسێ عيراقێ ل ئۆپه‌راسيۆنا كونترۆلكرنا مووسل ئاگه‌هدارى ئێكدو بن.
سه‌رۆكێ هه‌رێما كوردستانێ گۆتژى: “ئه‌ز پشت راستم عيراق دشێت سه‌ركه‌فتنێ بينيت و ل كيرێ پێدڤى بيت پێشمه‌رگه دێ هاريكاريا وان كه‌ت”.
فه‌رماندێ هێزێن چه‌كدار ل هه‌رێما كوردستانێ ئاماژه ب وێ چه‌ندێ ژى كر كو دێ ئه‌و وه‌كو هه‌رێما كوردستانێ خه‌نده‌كان دژى داعش لێده‌ن دا كو پێشمه‌رگه يێ ب سلامه‌ت بيت.
بارزانی ئاماژەی بەوەشكرد، خەندەق دژی داعش لێدەدرێت، تاوەکو پێشمەرگە سەلامەت بێت.
