بارزانى نه‌گوتیه سه‌ربه‌خوییا كوردستانێ مه‌حاله
ئه‌ڤرۆ نیوز:
په‌یڤدارێ فه‌رمى یێ سه‌رۆكایه‌تیا هه‌رێمێ ره‌ت دكه‌ت كو مه‌سعود بارزانى گوتبیت سه‌ربه‌خوییا كوردستانێ مه‌حاله و پشتى دووڤچوون هاتیه كرن، كه‌نالێ رووسیا الیوم داخوازا لێبورینێ كریه.
په‌یڤدارێ فه‌رمى یێ سه‌رۆكایه‌تیا هه‌رێمێ د رۆنكرنه‌كێ دا دیاركریه: ب چ ره‌نگه‌كێ موسته‌حیلبوونا سه‌ربه‌خویى د ئاخافتنێن سه‌رۆك بارزانى دا نه‌هاتیه، پشتى مه دووڤچوون كرى، پشكا عه‌ره‌بى یا كه‌نالێ روسیا الیوم پێداچوون كریه ب ده‌نگوباسێ خوه و خه‌له‌تیا خوه راستكریه و داخوازا لێبورینێ ژى ژ خوانده‌ڤان و بینه‌ران كریه.
