بارزانى و باليوزێ ئه‌مريكا قوناغا پشتى مووسل شروڤه‌كرن
ئه‌ڤرۆ نيوز:
سه‌رۆك بارزانى و بالیۆزێ ئه‌مریكا دا ل ئیراقێ قوناغا پشتى مووسل شروڤه‌كرن، سه‌رۆك بارزانى د هه‌ڤدیتنا بالیۆزێ ئه‌مریكا دا ل ئیراقێ راگه‌هاند: هه‌ر ژ شۆره‌شا ئیلۆنێ، كار بۆ وێ یه‌كێ هاتیه كرن ئێزدی پشكداری خه‌باتا سیاسی یا گه‌لێ خوه ببن و رێ ل بنبركرنان بگرن.
مه‌سعوود بارزانی سه‌رۆكێ هه‌رێما كوردستانێ پێشوازی ل دۆگلاس سیلیمان، بالیۆزێ ئه‌مریكا ل ئیراقێ كر و ناڤبری پیرۆزباهیێن سه‌ركه‌فتنێن پێشمه‌رگه‌ی د ئۆپه‌راسیۆنا رزگاركرنا مووسلێ دا كرن و سه‌ره‌خوه‌شیێن خوه پێشكێشی كه‌سوكارێن شه‌هیدێن پێشمه‌رگه‌ی ل شه‌رێ دژی تیرۆرێ دا كر.
بالیۆزێ ئه‌مریكا ل ئیراقێ خوه‌شحالیا وه‌لاتێ خوه ب هه‌ماهه‌نگی و كارێ هه‌ڤپشك د ناڤبه‌را پێشمه‌رگه‌ی و سوپایێ ئیراقێ دا نیشاندا و هیڤیخواستن ئه‌و یه‌كه ببیته زه‌مینه‌یه‌ك ژ بۆ دروستكرنا په‌یوه‌ندیێن ستراتیژی د ناڤبه‌را هه‌ردو ئالییان دا ژ بۆ ئاساییشا ده‌ڤه‌رێ.
بارزانی ئاماژه ب سالیادا ئازادكرنا شنگالێ ژ ئالیێ هێزێن پێشمه‌رگه‌ی ڤه كر و رۆناهی ئێخسته سه‌ر دیرۆكا ئێزدیان و ئه‌و نه‌هامه‌تیێن ب درێژاهیا دیرۆكێ ب سه‌رێ وان هاتین و راگه‌هاند: هه‌ر ژ شۆره‌شا ئیلۆنێ، كار بۆ وێ یه‌كێ هاتیه كرن ئێزدی پشكداری خه‌باتا سیاسی یا گه‌لێ خوه ببن و رێ ل بنبركرنان بگرن.
گۆت ژی: ئه‌و نها یێ بزاڤان دكه‌ن ئێزدی بخوه بشێن خودان چاره‌نڤیسێ خوه‌بن و هه‌رێما كوردستانێ و پێشمه‌رگه دێ هاریكاریا ئێزدیان كه‌ن تا بشێن خوه ب پارێزن.