بارزانى و جبورى دوپات ل چاره‌سه‌ریا ئاریشه‌یێن د ناڤبه‌را به‌غدا و هه‌ولێر كر
ئه‌ڤرۆ نیوز ، نه‌وزاد هلۆرى:
ده‌مه‌ك به‌ریا نها سه‌رۆكێ هه‌رێما كوردستانێ پێشوازى ل سه‌رۆكێ په‌رله‌مانێ عیراقێ كر و دانوستاندن لسه‌ر داوى گورانكارى و پێشهاتێن دناڤبه‌را هه‌ولێر و به‌غدا كرن ، هه‌ردوو ئالیان ژى دوپاتكر كو ب ئاشتیانه چاره‌سه‌ریا ئاریشه‌یان بكه‌ن.
ل گوره‌ى نوچه‌یه‌كێ كو ل مالپه‌را سه‌رۆكاتیا هه‌رێما كوردستانێ به‌لاڤ بوویه ، ئه‌ڤرۆ پشتى نیڤرۆ مه‌سعود بارزانى سه‌رۆكێ هه‌رێما كوردستانێ پێشوازى ل سه‌لیم جبورى سه‌رۆكێ په‌رله‌مانێ عیراقێ كر و د كومبوونه‌كا به‌رفره‌ه دا هه‌ردوو لایان بیر و بوچونێن خوه ل بارا پێشهاتێن سیاسیێن عیراقێ و ریفراندۆما سه‌ربخوه‌ى یا كوردستانێ و كارڤه‌دانێن وێ گوتوبێژكرن.
هه‌ر د دیدارا دناڤبه‌را سه‌رۆكێ هه‌رێما كوردستانێ و سه‌رۆكێ په‌رله‌مانێ عیراقێ زێده‌بارى دوپاتكرنا پێدڤى یا پاراستنا سه‌قامگیری و ئاسایش و دوركه‌فتنا ژ ئالوزیان ، دوپات ل سه‌ر هیوركرنا بارودوخێ سیاسى ژى هاته‌كرن ئه‌و ژى ب پشت به‌ستن ب پرنسیپ و ئه‌جێندایێن ڤه‌كرى و پشكداریكرنا هه‌موو ئالیان بو گه‌هشتن ب چاره‌سه‌كرنا ئاریشه‌یێن دناڤبه‌را هه‌ولێر و به‌غدا ب شێوه‌یه‌كێ ڤه‌كرى.
