بارزانی ئەڤرۆ دێ ل گەل لايه‌نێن سیاسی ڤان سێ پرسان گەنگەشە کەت
ئەڤرۆ نيوز:
سەرۆکێ دیوانا سەرۆکاتیا ھەرێما کوردستانێ راگەھاند، سەرۆکێ ھەرێما کوردستانێ ئەڤرۆ دێ ل گەل ئالیێن سیاسی کۆن بیت.
فوئاد حسێن دیار کر کو وان وەک سەرۆکاتیا ھەرێمێ داخوازنامە یێن ئاراستەی ھەموو ئالیێن سیاسی یێن ھەرێما کوردستانێ کرین، بۆ کۆمبوونا ئەڤرۆ ل گەل مەسعود بارزانی سەرۆکێ ھەرێما کوردستانێ، کو ژڤانە ل دەمژمێر 10:30 ده‌قيقه‌ى سپێدێ بھێتە ئەنجامدان و بڕیارە نێچیرڤان بارزانی سەرۆک وەزیرێن ھەرێما کوردستانێ و قوباد تالەبانی جیگرێ سەرۆک وەزیران بەرھەڤ ببن.
فوئاد حسێن بۆ کەنالێ کوردستان 24 ئاماژە ب وێ چەندێ ژی کر کو د کۆمبوونێ دا سێ خال دێ ھێنە گەنگەشە کرن، ئەو ژی پرسێن سەرۆکاتیا ھەرێما کوردستانێ و ریفراندۆم بۆ سەربخوەیا کوردستانێ و قەیرانا ئابووری نە.
ھیوا میرزا سابر ئەندامێ مەکتەبا سیاسی یا یەکگرتووی ئیسلامی کوردستان راگەھاند، دەمەکە ئەو چاڤەرێی کۆمبوونەکا ژ ڤی رەنگی بوون کو سەرۆک بارزانی دەستپێشخەریێ بکەت بۆ چارەکرنا قەیرانێن نوکە و رێکخستنا ناڤمالا کوردی و گۆت:( ھیڤیخوازین کۆمبوون بێ ئەنجام ب دووماھی نەھێت، چونکو خەلکێ کوردستانێ ب گەشبینی بەرێخوە ددەنە ڤێ کۆمبوونێ).