باره‌گايێن حه‌شدا شه‌عبى دێ هێنه داخستن
ئه‌ڤرۆنيوز:
فه‌رماندێ ميليشيێن حه‌شدا شه‌عبى بريار دا هه‌موو باره‌گايێن حه‌شدێ دناڤ باژێرێن سه‌ره‌كى يين عيراقێ دا بهێنه داخستن وبهێنه ڤه‌گوهاستن بۆ ده‌رڤه‌ى باژێران.
فه‌رمانده‌يا حه‌شدا شه‌عبى دبه‌ياننامه‌كێ دا به‌لاڤكر هه‌موو باره‌گايێن حه‌شدێ بهێنه ڤه‌گوهاستن بۆ ده‌رڤه‌ى باژێران وهه‌موو نڤيسينگه‌هێن حه‌شدێ ژى دناڤ باژێران دا بهێنه داخستن ونابيت ب چو ناڤه‌كى دناڤ باژێران دا بمينن، ب تايبه‌تى ل وان ده‌ڤه‌رێن ژده‌ستێ داعشێ هاتينه ئازادكرن.
وێ به‌ياننامێ كو ب ئيمزايا ئه‌بو مه‌هدى ئه‌لموهه‌ندس جێگرێ سه‌رۆكێ ده‌سته‌يا حه‌شدا شه‌عبى ل سه‌ره داخوازكر چو په‌يوه‌ندى دناڤبه‌را ميليشيێن حه‌شدا شه‌عبى ومه‌رجه‌عێن شيعان دا نه‌مينيت وهه‌ر په‌يوه‌نديه‌كا هه‌بيت، بهێته هه‌لوه‌شاندن.
