بازارێ كه‌ڤنێ زاخۆ دێ بیته جهه‌كێ گه‌شتیاری
زاخۆ، عه‌لی حاجی:
به‌رپرسا پشكا ئه‌ندازیاری ل رێڤه‌به‌ریا گه‌شتوگوزارا زاخۆ بۆ رۆژناما ئه‌ڤرۆ دیار كر، بازارێ كه‌ڤنێ زاخۆ دێ بیته جهه‌كێ شوونواری و گه‌شتوگوزاری و د ده‌مه‌كێ نێزیك دا ده‌ست ب جهئینانا وی پڕۆژه‌یی دێ هێته كرن.
مه‌یان خدر، به‌رپرسا پشكا ئه‌ندازیاری ل رێڤه‌به‌ریا گه‌شتوگوزارا زاخۆ گۆت: “د به‌رده‌وامیا گرنگیپێدان ب كه‌رتێ گه‌شتوگوزاری ل زاخۆ و ل دوویڤ راسپارده‌یێن گوهدار شێخۆ، سه‌رپه‌رشتێ ئیداره‌یا سه‌ربخوه یا زاخۆ، بازارێ كه‌ڤنێ زاخۆ ب شێوه‌یه‌كێ رێكوپێك و ل دووڤ رێنمایێن شوونواری دێ هێته نووژه‌نكرن و ژ مه‌ترسیا هه‌ڕفینێ ژی دێ هێته رزگاركرن، د ده‌مه‌كێ نێزیك دا ده‌ست بجهئینانا وی پڕۆژه‌ی دێ هێته كرن ب نووژه‌نكرنا وی پڕۆژه‌یی ژی زاخۆ دێ ڤه‌ژه‌نه‌كا باش یا گه‌شتوگوزاری ب خوه‌ڤه بینیت، دیسا چه‌ندین پێشنیار ژی هه‌نه، كو پشتی پڕۆژه ب دووماهی دهێت د ناڤ وی بازاری دا تشتێن فولكلۆری بهێنه دروستكرن و فرۆتن”.
مه‌یان خانێ گۆتژی: “زێده‌باری وی پڕۆژه‌یی ژی نوكه كار ل سه‌ر پێنج سكرێن نقۆم ل سه‌ر خابیرێ زاخۆ به‌رده‌وامه و هه‌تا نوكه ژی 30% كار تێدا هاتیه كرن، دیسا كار ل سه‌ر نووژه‌نكرنا كورنیشێ ده‌وروبه‌رێن پرا ده‌لال ژی به‌رده‌وامه و 10% كار تێدا هاتیه كرن، كو د وی كورنیشی ژی دا هه‌ژماره‌كا پارك و كه‌سكاتی و جهێن هاتنوچوونا په‌یاده و جهێن بهێنڤه‌دانێ هه‌نه”.
