بازرگانه‌كێ جوهی هه‌وه‌كا رزگاركرنا ژن و سنێلێن دده‌ستێن دعش دا ده‌ستپێكرییه
ئه‌ڤرۆ نیوز: ڤه‌ده‌ر ره‌شاڤایی:
ستیڤ مامان بازرگانه‌كێ جوهییه ژ كه‌نه‌دا هه‌وه‌كا رزگاركرنا ژن و سنێلێن كوردێن ئێزدی ژ ده‌ستێن تیرۆرستێن داعش ده‌ستپێكرییه.
هه‌وا ڤی بازرگانی به‌ری ساله‌كێ ده‌ستپێكریه و نها ده‌ست ب هه‌وه‌كا نێڤده‌وله‌تی كریه بۆ ئازادكرنا 128 ژنێن كوردێن ئێزدی و هه‌روه‌سا یێن كریستیانان كو داعش كرینه به‌نده‌یێن خوه، تێ چاڤه‌رێكرن د چه‌ند رۆژێن داهاتی دا 10 ژن بڤێ رێیێ بهێنه ئازادكرن .
مامان یێ 42 سالی كو بابێ 6 زارۆیانه، شیایه د 2 رۆژان دا 200 هزار دۆلاران بۆ ڤێ هه‌وێ كۆم بكه‌ت بمه‌ره‌ما وێ یه‌كێ بده‌ته ره‌ڤینه‌رێن وان قۆربانییان ، لبه‌ره هه‌تا 5 ملیۆن دۆلاران بۆ ڤێ مه‌به‌ستێ ژ خێرخاز و بازرگانان كۆم بكه‌ت.
میدیا رۆژئاڤا ناڤهاتی ب شێندله‌رێ جوهی ده‌نه نیاسین كو ناڤێ وی بازرگانییه یێ لسه‌رده‌مێ نازییان ب سه‌دان ژنێن جوهی ژ ده‌ستێ نازییان رزگاركری.
لدووڤ هند ژێده‌ران هه‌یا نها نێزكی 2 هزار و 700 ژنێن كوردێن ئێزدی دده‌ستێن تیرۆرستێن داعش دا ماینه ، پێشبینی دهێته كرن داعش رازی ببیت لسه‌ر ئازادكرنا هنده‌ك ژنان به‌رامبه‌ر هزار بو 3 هزار دۆلاران، هه‌روه‌سا ناڤهاتی بزاڤان دكه‌ت كه‌سایه‌تیێن هۆزێن عه‌ره‌ب ژی بكاربینیت بۆ رزگاركرنا وان ژنێن داعش بازرگانیێ پێدكه‌ت .
لدووڤـ گۆتنا ڤی بازرگانێ بناڤێ ستیڤ مامان جیهانێ چاڤێن خوه ژ وان ژن و سنێلێن دده‌ستێن تیرۆرستێن داعش دا دنالن نقاندینه و دبێژیت ” باشیێ بكه دێ باشی هێته رێكا ته”
