باسم عەوادی: هنارتنا پەترۆلا هەرێما كوردستانێ دێ بیتە بنەمایێ داڕێشتنا قانوونا پەترۆل و غازێ یا فیدرالی
پەیڤدارێ حوكمەتا ئیراقێ راگەهاند: هنارتنا پەترۆلا هەرێما كوردستانێ دێ بیتە بنەمایێ قانوونا پەترۆلێ و غازێ و گەهشتن ب وێ قانوونێ دێ سێ پشكێن كێشەیێن بەغدا و هەولێرێ چارەسەركەت.
باسم عەوادی، پەیڤدارێ حوكمەتا ئیراقێ گۆت» ژ ئەگەرێ راوەستییانا هنارتنا پەترۆلا هەرێما كوردستانێ ب رێكا بەندەرێ جەیهان یێ توركی، نەختینەیا داراییا هەرێما كوردستانێ یا كیمكری، د دەمەكی دا مووچەیێن مووچەخۆرێن هەرێما كوردستانێ مەهانە زێدەتر ژ 900 ملیار دینارانە».
باسم عەوادی گۆت ژی» ل گەل حوكمەتا هەرێما كوردستانێ ل سەر تێچوویێ بەرهەمئینانا پەترۆلێ یێن رێككەفتین و دخوازین دەست ب هنارتنا پەترۆلا هەرێمێ بهێتە كرن و راستڤەكرنا قانوونا بودجەی بۆ وێ مەبەستێ خەلاتكرنا هەرێما كوردستانێ نینە».
پەیڤدارێ حوكمەتا ئیراقێ ئەوژی دیاركر» هنارتنا پەترۆلا هەرێما كوردستانێ دێ بیتە بنەمایێ داڕێشتنا قانوونا پەترۆل و غازێ یا فیدرالی، هەكە بهێت و ل سەر وێ قانوونێ ژی رێكبكەڤین، سێ پشكێن كێشەیێن د ناڤبەرا هەولێرێ و بەغدایێ دێ چارەسەر بن»
