باشترین بڕیارا گۆڕان ئەوە خوە ژ حوکمەتێ ڤەکێشیت
ئەڤرۆ نيوز:
ئەندامەکێ سەرکردایەتیا پارتی دیموکراتی کوردستان بەحسێ ڤەکێشانا بزاڤا گۆڕان ژ حوکمەتا ھەرێما کوردستانێ دکەت و دبێژیت: باشترین بڕیار کو بزاڤا گۆڕان بدەت ئەوە، خوە ژ حوکمەتێ ڤەکێشیت.
پشتی چەند دەزگەھێن راگەھاندنێ بەلاڤکری کو نەوشێروان مستەفا، رێکخەرێ گشتیێ بزاڤا گۆڕان پەیامەک ئاراستەی سەرکردێن بزڤێ کریە و تێدا داخواز ژێ کریە، بەرھەڤیان بۆ خوە ڤەکێشانێ ژ حوکمەتا ھەرێما کوردستانێ و حوکمەتێن خوەجھی یێن پارێزگەھان بکەن.
د ڤی واری دا عەلی عەونی، ئەندامێ سەرکردایەتیا پارتی دیموکراتی کوردستان دوھی راگەھاند، دروستترین کار ئەوە، گۆڕان خوە ژ حوکمەتا ھەرێمێ ڤەکێشیت و ببیتە ئۆپزسیۆنەکا مەعقول، ژ بەر کو د ناڤ حوکمەتێ دا چو ب وان ناھێتە کرن.
عەلی عەونی بۆ باسنیوز گۆت: “گۆڕان ب تنێ پەھلەوانێن زمانی نە و وان نیشا دا کو ئەو ئاخڤتنێن زیق ئاستەنگان بۆ حوکمەتێ دروست دکەن، لەو باشترین کار ئەوە، نەوشێروان مستەفا بڕیارێ بدەت گۆڕان خوە ژ حوکمەتێ ڤەکێشیت، چونکو ب وان ئاخڤتنێن زیق حوکمەت ب رێڤە ناچیت”.