باشیک: تۆپێن پێشمەرگەی ١٢ داعش کوشتن
ئەڤرۆ نیۆز، قائید میرۆ:
ب ئەگەرێ تۆپبارانا تۆپخانەیێن ھێزێن پێشمەرگەی ل میحوەرێ باشیک ١٢ چەکدارێن داعش ھاتینە کوشتن و ئەڤرۆژی ل ڤی میحوەری چو پێکدادان نەبووینە.
ژێدەرەکی ژ ھێزێن پێشمەرگەیێن کوردستانێ ل میحوەرێ باشیک ب ئەڤرۆ نیۆز راگەھاند، کو دوھی تۆپخانەیێن ھێزێن پێشمەرگەی ب ھویری تۆپبارانا چەکداران داعش ل سنورێ باشیک کریە و د ئەنجامێ ئەڤێ تۆپبارانێ ژی دوازدە چەکدارێن داعش ھاتینە کوشتن و زیانێن ماددیژی گەھشتینە بنکە و بارەگەھێن تیرۆرستان.
ئەڤی ژێدەری خویاژیکر، ل رۆژێن بۆری بەردەوام شەڕۆ پێکدادان و تۆپباران ل دەڤەرێ ھەبوو، بەلێ ئەڤرۆ ئێک شەمبی چو لڤینێن سەربازی نینە و تۆپبارانژی ژلایێ ھەردوولایانڤە ھاتیە راگرتن.
