باكوورێ كوردستانێ دووباره هێرش كره سه‌ر گه‌شتيارێن هه‌رێما كوردستانێ
ئه‌ڤرۆ نيوز:
ب گۆره‌يى ژێده‌رێن مالپه‌رێ فه‌رميێ پارتى ديموكراتى كوردستان پشته‌ڤان و لايه‌نگرێن په‌كه‌كێ ئه‌ڤرۆ به‌رى ماوه‌كێ كێم ژى هێرش كره سه‌ر گه‌شيارێن هه‌رێما كوردستانێ و بۆ ڤێ جارێ ژى 11 ترۆمبێل ژ كار خستن و ژنه‌ك ژى بريندار بوو.
ب گۆره‌يى ژێده‌رێن خوه يێ تايبه‌ت مالپه‌رێ KDP.info به‌لاڤكريه كو به‌رى نيڤرۆيا ئه‌ڤرۆ رۆژا سێشه‌مبى رێكه‌فتى 28ى تيرمه‌ها 2015ێ هنده‌ك پشته‌ڤان و لايه‌نگرێن په‌كه‌كێ هێرش كريه سه‌ر گه‌شتيارێن هه‌رێما كوردستانێ و ترۆمبێلێن وان ژ ناڤبرينه و زيانێن مه‌زن يێن گيانى گه‌هاندينێ.
ئه‌وى ژێده‌رى ئاشكه‌را ژى كريه كو ئه‌وان هێرش كريه سه‌ر 11 ترۆمبێلان ل ده‌ڤه‌رێن سلۆپى و جزيرێ و د ئه‌نجامێ هێرشه‌كا خوه ژنه‌ك ژى ب سڤكى بريندار كريه و بوويه ئه‌گه‌رێ هندێ پۆليس د هه‌وارا وان بچن و ب گازا رۆندكرێژ ڤان گه‌شتياران ژ ده‌ستێن وان ده‌ربێخن.