بالوێزێ به‌رێ يێ ئه‌مريكا ل عيراقێ: حه‌شه‌د ب چه‌كێ مه شه‌رێ هه‌ڤپه‌يمانێن مه دكه‌ت
ئه‌ڤرۆ نيوز:
بالوێزێ به‌رێ يێ ئه‌مريكا ل عيراقێ زالماى خه‌ليل زاده راگه‌هاند كو هێزێن حه‌شه‌د شه‌عبى ب چه‌كێ ئه‌مريكا يێ شه‌رێ هه‌ڤپه‌يمانێن وێ دكه‌ن.
د دتويته‌كى دا، بالوێزێ به‌رێ يێ ئه‌مريكا ل عيراقێ زالماى خه‌ليل زاده، راگه‌هاند كو هێزێن حه‌شه‌د شه‌عبى ئه‌وێن ژ لايێ تيرۆرست مه‌هدى موهه‌ندس ڤه دهێنه پشته‌ڤانيكرن هێرش كريه سه‌ر كه‌ركووك.
ته‌كست ژى ل سه‌ر وێ چه‌ندێ كريه كو ب گۆره‌ى ئه‌و راپۆرتێن ل به‌ر ده‌ستێ وان، ئه‌و چه‌كێ ئه‌مريكا دايه هێزێن عيراقى يێ ل دژى كوردان دهێته بكارئينان.
بالوێزێ به‌رێ يێ ئه‌مريكا ل عيراقێ ته‌كست ل سه‌ر وێ چه‌ندێ ژى كريه كو دڤێت هاريكاريا كوردان بهێته كرن ل دژى حه‌شه‌د شه‌عبى ئه‌وێن ژ لايێ سۆپايێ پاسدارێن ئيرانێ ڤه دهێنه پشته‌ڤانيكرن.
Abrams tanks provided by the US to the Iraqi armed forces against the Pehsmerga. The Kurds need our help against IRGC backed forces …
— Zalmay Khalilzad (@realZalmayMK) October 16, 2017
