بالیوزخانا ئه‌مریكا ل عیراقێ دلگرانین بو ئه‌وا ل كه‌ركوك روو دده‌ت
ئه‌ڤرۆ نیوز ، هلورى:
كونسولخانا ئه‌مریكا ل عیراقێ راگه‌هاندنه‌ك لسه‌ر بارودوخێ نهایێ كه‌ركوكێ به‌لاڤكر و داخوازێ ل هه‌موو لایه‌نان دكه‌ت كو هاركاربن بو هیوركرنا بارودوخێ كه‌ركوكێ و راگه‌هاند ژى كو ئه‌و دێ به‌رده‌وام بن لسه‌ر كاركرنێ دناڤبه‌را هه‌ولێر و به‌غدا.
بالیوزخانا ئه‌مریكا ل عیراقێ د راگه‌هاندنه‌كێ دا دیاركر كو ئه‌مریكا دلگرانه ب ئه‌ڤا ل كه‌ركوكێ روو دده‌ت و گۆت: (داخوازێ ل هه‌موو لایه‌كێ دكه‌ین كو پروسه‌یێن سه‌ربازى رابگرن و بزڤرن و ئارامیێ بو ده‌ڤه‌رێ بزڤرینن ، ئه‌م دێ به‌رده‌وام بین لسه‌ر كارێن خوه بو ئاسایكرنا په‌یوه‌ندیێن دناڤبه‌را هه‌رێم و عیراقێ بو كێمكرن و نه‌هێلانا ئالوزیان)
ئاماژه ب وێ یه‌كى ژى كر كو ئه‌و دخوازن كارگێریه‌كا هه‌ڤپسكا ئاشتیانه د ده‌ستوورێ عیراقێ دا بهێته دانان و گۆت ژى: ( داعش دوژمنێ راسته‌قینه‌یێ هه‌موو عیراقیانه و ژ بڤێ دخوازین كو هه‌موو لایه‌ك هوشیاربن لسه‌ر شه‌رێ داعش و ده‌ڤه‌رێن خوه رزگار بكه‌ن)
