بالیۆزێن وه‌لاتێن سوید و نه‌رویژ: پشته‌ڤانیا مه بۆ كوردستانێ دێ یا بهردهوام بیت
ئه‌ڤرۆ نیوز:
فه‌رهاد ئه‌مین ئه‌ترووشی، پارێزگه‌رێ دهۆكێ ئه‌ڤرۆ 26/1/2019 پێشوازی ل خاتون تونه ئه‌للیرس، بالیوزا وه‌لاتێ نه‌رویژی و پونتوس میلاند بالیوزێ وه‌لاتێ سویدێ ل عیراقێ كر و د هه‌ڤدیتنه‌كێ دا به‌حسێ ره‌وشا ده‌ڤه‌رێ ژ هه‌موو لایه‌كی ڤه هاته كرن تایبه‌ت ره‌وش و سه‌روبه‌رێ ئاواره و په‌نابه‌ران.
ژ لایه‌كێ دیڤه هه‌ردو لایان داكوكی ل سه‌ر په‌یوه‌ندیێن د ناڤبه‌را هه‌رێما كوردستانێ و هه‌ردو وه‌لاتێن سوید و نه‌رویژ دا كرن، دیسا پارێزگه‌رێ دهۆكێ رۆلێ هه‌ردو وه‌لاتان د ده‌مێ هاتنا ئاواران بۆ كوردستانێ و پشته‌ڤانیكرنا حوكمه‌تا هه‌رێما كوردستانێ ل شه‌ڕێ دژی داعش بلند سه‌نگاند و سوپاسیا حوكمه‌ت و گه‌لێ هه‌ردو وه‌لاتان كر بۆ وێ پشته‌ڤانیا ل هه‌رێما كوردستانێ كری.
ژ لایێ خوه‌ڤه بالیوزێن هه‌ردو وه‌لاتێن سوید و نه‌رویژ ده‌ستخوشی ل حوكمه‌تا هه‌رێما كوردستانێ و كارگێریا پارێزگه‌ها دهۆكێ و پارێزگاری كر بۆ وێ خزمه‌تا مه‌زن یا بۆ ئاواره و په‌نابه‌ران هاتیه كرن و گۆتن: هاریكاری و پشته‌ڤانیا مه بۆ كوردستانێ ب رێیا رێكخراوێن خێرخوازی دێ بهردهوام بیت و خزمه‌ته‌كا باشتر بۆ ئاواره و په‌نابه‌ران دێ هێته كرن.
