بانده‌كێ ره‌ڤاندنا كچان هاته ده‌سته‌سه‌ركرن
ئه‌ڤرۆ نيوز:
پۆليسێن هه‌ولێر ده‌سته‌سه‌ركرنا بانده‌كێ پێنج كه‌سى راگه‌هاند، كو رابووينه ب مامه‌لكرنێ ب كچان و ژ به‌غدا كچان ئيناينه هه‌ولێر و كارێ له‌شفرۆشيێ پێ كريه.
كاروان عه‌بدولكه‌ريم ئاخفتنكه‌رێ ب ناڤێ پۆليسێن هه‌ولێر راگه‌هاند كو پشتى دووڤچوونه‌كا هوور ئه‌و شيان بانده‌كێ پێنج كه‌سى يێ عه‌ره‌ب ده‌سته‌سه‌ر بكه‌ن ب تاوانا كرين و فرۆتنا ب كچان و ب كار ئينان بۆ له‌شفرۆشيێ.
خۆيا ژى كر كو ئه‌ڤ كاره ب هه‌ڤپشكى ژ لايێ ئاژانسا پاراستنا هه‌رێمێ و رێڤه‌به‌ريا پۆليسێن نه‌هێلانا واتان ل هه‌ولێر هاتيه ئه‌نجام دان.
ئاشكه‌را ژى كريه كو هه‌ر پێنج كه‌س ئافره‌تن و ئه‌وا سه‌رپه‌رشتيا وان دكر ژنه‌كا 45 سالى يه ب ناڤێ “ن، س، ش” و گۆت: “دو كچ ژ به‌غدا ئينابوون؛ ئێك يا 15 سالى و ئێك ژى يا 16 سالى و كارێ له‌شفرۆشيێ پێ دكر.
نه‌ڤه‌شارت ژى كو كارێن وان ب باشى كربوون و وه‌كو كه‌سوكارێن خوه دابوونه زانين و ناسنامێن سه‌خته بۆ دروست كربوون.
