بانده‌كێ ره‌ڤاندنا مرۆڤان هاته ده‌سته‌سه‌ركرن
ئه‌ڤرۆ نيوز:
پۆليسێن نه‌هێلانا گۆنه‌هباريان ده‌سته‌سه‌ركرنا بانده‌كێ ره‌ڤاندن و دزيكرنێ راگه‌هاندن كو ئه‌ندامێن وى گرۆپى گه‌له‌ك چه‌ك و پاره ژ خه‌لكى وه‌رگرتينه.
دوهى ئێڤارى 3\1\2015 رێڤه‌به‌ريا پۆليسێن نه‌هێلانا گۆنه‌هباريان ل هه‌ولێر ئاشكه‌را كر كو بانده‌كێ مه‌زن يێ ره‌ڤاندن و دزيكرنێ ده‌سته‌سه‌ركر، كو بانده‌كێ مه‌زنه و د ڤه‌كولينێن ده‌سپێكى دا دانپێدان ب تاوانێن مه‌زن كريه، د ناڤ ره‌ڤاندن و دزيكرن هه‌بوويه. ئه‌و ئێك ژى ئاشكه‌را كر كو هه‌موو ئه‌ندامێن باندى كوردن و خه‌لكێ ناڤ باژێرێ هه‌ولێرن.
پۆليسێن نه‌هێلانا گۆنه‌هباريان ل هه‌ولێر ته‌كست كر كو نوكه نه‌ڤێت ئه‌و هه‌موو پێزانينان ل سه‌ر وى باندى به‌لاڤ بكه‌ن، به‌لێ داخواز ژ وه‌لاتيان كر: “هه‌ر وه‌لاتيه‌كێ حه‌له‌ته‌كێ ژ ڤى ره‌نگى ب سه‌رى هاتبيت، په‌يوه‌نديێ ب پۆليسێن نه‌هێلانا گۆنه‌هباريان بكه‌ن يان راگه‌هاندنا پۆليسێن هه‌ولێر”.
دهێته چاڤه‌رێكرن د چه‌ند رۆژێن داهاتى دا، پشتى ته‌مامبوونا ڤه‌كۆلينان، رێڤه‌به‌ريا وان هه‌موو پێزانينان و تاوانێن ڤى بۆندى بۆ وه‌لاتيان ئاشكه‌را بكه‌ت.
