بانكا ناڤه‌ندى دێ ب ڤێ رێيێ پارێ جوتیاران ده‌ت
ئه‌ڤرۆنیۆز، سالار دۆسكى:
ئه‌ندامه‌كا په‌رله‌مانێ عیراقێ ژ فراكسیۆنا پارتى دیموكراتى كوردستان ئاشكراكر كو بانكا مه‌ركه‌زى یا عیراقى دێ رابیت ب دانا پارێن جوتیارێن عیراقێ و كوردستانێ یێن دو سالان و دووڤ دا دێ پارێ ئه‌ڤ ساله هێته‌مه‌زاختن
نه‌جیبا نه‌جیب ئه‌نداما په‌رله‌مانێ عیراقێ بۆ ئه‌ڤرۆ نیۆز گۆت: پارێ جوتیاران ب رێكا سه‌نه‌داتا دهێته مه‌زاختن و ناڤێن هه‌مووو جوتیاران ب رێكا وه‌زاره‌تا بازرگانى هاتینه وه‌رگرتن و ئه‌ڤه جوتیارێن هه‌رێما كوردستانێ ژى ڤه‌دگه‌ریت.
هێشتا گۆت: پارێن جوتیاران یێن 2013 و 2014 دێ بنه سه‌نه‌د و دیسا چه‌ندین رێنما ب دانا ئه‌ڤى پاره‌ى ل بانكێن ره‌شید و سیڤى ئاى دهێته بجهئینان و وه‌زاره‌تا دارایى ب رێكا بانكان دێ پارێ ئه‌ڤان جوتیاران مه‌زێ خیت.
هێشتا گۆت: نوكه نڤسیار ژ ئه‌نجوومه‌نێ وه‌زیران ده‌ر كه‌فتینه و گه‌هشتینه بانكا ناڤه‌ندى و سه‌نه‌د ده‌ركه‌فتینه و ب رێكا بانكان دێ وه‌زاره‌تا دارایى سه‌رپه‌رشتیێ كه‌ت و دێ هێنه مه‌زاختن.
ناڤبرى ئاشكراكر كو دێ ده‌ست پێ هێته‌كرن كو ناڤێن ئه‌ڤ ساله ژى 2016 بهێنه وه‌رگرتن، ئه‌ڤه دێ بانكا هه‌رێمێ سیڤى ئاى ژى ڤه‌گریت.
